السبت، 6 سبتمبر 2008

اعتذار وسؤال


فى البداية انا بعتذر جدا لانى مش رديت على معظم تعليقات البوست اللى فات
بسبب ظروف نفسية لدرجة انى فكرت اسيب المدونة



بس الحمد لله فكرت كويس وهستمر بس لما الدراسة تبداْ ان شاء الله
مش هقدر اتابع اى مدونات ربنا يسهل ان شاء الله



سالت نفسى السؤال ده كتير وبصراحة مكنتش لقياله اجابة
ليه احنا بندعى كتير ودعائنا مش بيستجاب ؟



دايما بساْل نفسى السؤال ده ووالله صدفة كده بقراْ فى كتاب
ووانا بقراْ لقيت الكتاب كاتب السؤال ده



استغربت جدا بس كان عندى اقبال انى اعرف الاجابة قبل ما كمل قراءة السؤال



المهم هقولكم السؤال والاجابة اللى قراْتهم سموا معايا



اجتمع ابراهيم بن ادهم باهل البصرة قالوا:



ما لنا ندعو فلا يستجاب لنا ؟



قال لاْن قلوبكم ماتت بعشرة اشياء :



عرفتم الله فلم تؤدوا حقه



وزعمتم حب النبى وتركتم سنته



وقراْتم القران ولم تعملوا به



واكلتم نعمة الله ولم تؤدوا شكرها



وقلتم ان الشيطان عدوكم ووافقتموه



وقلتم ان الجنة حق ولم تعملوا لها



وقلتم ان النار حق ولم تهربوا منها



وقلتم ان الموت حق ولم تستعدوا له



وانشغلتم بعيوب الناس ونسيتم عيوبكم



ودفنتم موتاكم ولم تعتبروا



وجزاكم الله خيرا

هناك 44 تعليقًا:

حسن حنفى يقول...

فعلا السؤال ده كنت سعات بساله لنفسي

جزاكم الله خيرا

وان شاء الله تعرفي توفقي بين التدوين
وبين المذاكره

طلاب من أجل مصر يقول...

ديماً حسن أول تعليق محتكر التعليقات


بوست جمييل جوجو

ويارب تستمرى فى التدوين

تحياتى

البنت الشقيه يقول...

انتى عندك حق فعلا السؤال ده بيتردد كتيير جوايا


والاجابه عليه ريحتنى كتيييييييييييير

وتحياتى على الموضوع الاكتر من جميل



البنوته الشقيه

رحــــيـل يقول...

ههههههههههههه
مش عارفه ايه المواضيع اللى بتنزل من ورايا دي ومن غير مااعرف
بتستغلي غيابي من البيت هههههههههههه
والله ياجوجو انتي عسل بس مش عشان اختي يعني
بس اهو انتي عسل وخلاص
شطوووووووورة جدا

انى احبكم فى الله يقول...

المدونه جميله و تصميم القالب جميل جميل جميل

ورمضان كريم

وبجد واضح ان شخصيتك جميله وتحياتى على الموضوع

,.-~*'¨¯¨'*•~mr ,.-~*'¨¯¨'*•~monshed يقول...

ايه الجمال ده ايه الحلاوة دي لا لا ماشاء الله ربنا يكرمك
ويارب دائما تكوني في احسن حال ومن نجاح الي نجاح
ورمضا كريم
اخوكي احمد

جوجو يقول...

حسن حنفى

وخيرا جزاك

يارب اقدر اوفق ما بين الدراسة والمدونة

شكرا على مرورك

جوجو يقول...

عبد الهادى_ سارة

انا كمان والله قولتله انى كل ما ادخل اى مدونة الاقيه اول تعليق

اللهم لا حسد ههههههههههه

يارب اقدر استمر

شكرا على زيارتك

جوجو يقول...

البنت الشقية

اهلا بيكى

هو فعلا ريحنى انا كمان

شكرا على مرورك وزيارتك

جوجو يقول...

رحيل

اول مرة اختى سارة تعلقلى بنفس

اه والله مش قالتلى خالص انها علقت صدفة كده

ههههههههههه

هو انا لازم اخد الاذن قبل ما نزل بوست

جوجو يقول...

انى احبكم فى الله

اهلا بيكى نورتى

ده بس من زوقك الجميل

ربنا يخليكى

شكرا على مرورك اللى اسعدنى

جوجو يقول...

منشد

كل سنة وانت طيب

شكر ليك ده بس من زوقك

ميرسى لزيارتك

مش لاقية اسم يقول...

السلام عليكم ورحمة الله وبركاتة

اللهم لا تجعلنا ممن لا نتبعك سنتك وسنة رسولك

اللهم ادخلنا جنتك مع النبى

اللهم اجعلنا بارين بامهاتنا

اللهم اجعلنا مما يستجاب لهم

البوست رائع

جزاك الله عنا كل خير
وكل عام وانتى الى الله اقرب عن النار ابعد

ارجوا تشريفك مدونتى المتواضعة

وشكرا...

جوجو يقول...

مش لاقية اسم
وعليكم السلام
اهلا بي
كى فى مدونتى

اللهم امين يارب العالمين

وخيرا جزاكى

كل سنة وانتى طيبة

غير معرف يقول...

بوست تحفه
جميل اوي الكلام

ربنا يجعله في ميزان حسناتك

رمضان كريم

جوجو يقول...

afew good man

هلا بيك

ميرسى على تعليقك ده بس من زوقك

كل سنة وانت طيب

elsha3er يقول...

والله الموضوع دة جه فى وقته وجزاكى الله خيرا عنا عن هذة الاجابة

احمد الشاعر

حياتي كلها لله يقول...

السلام عليكم
ما شاء الله ربنا يحميك يا رب
بصي ده أول مرة ليه في المدونة الهايلة ده و أكيد مش حتكون آخر مرة
علي فكرة أنا مش من عادتي أمدح قوي كده بس فعلا ما شاء الله "القالب ،الإسم ، الأغنية ،البوست "
فعلا كله رائع ...أتمني بجد تقبليني صديقة و تنوريني في مدونتي منتظراك ...فلا تدعي أنتظاري يطول
تحياتي

dido يقول...

السلام عليكم
كلام رائع يا جوجو بس انا شايفه حاجه سمعتها كتير من شيوخ الدعاء بيكون ليه تلت حاجات يا اما ربنا يحققه واما يدفع بيه مكروه واما ياخر الي يوم القيامه ويحقق يومها
وعلي فكرا بردو كنت سمعت تفسير ليستجيب يستجيب بمعني انه لو خير يحققه ولو شر ميتحققش وهوضح بمثال
يعني مثلا لو انت عندك خادم وقولت ليه لما الضيوف تيجي كمان شويه وانده عليك علشان تقدم ليهم حاجه قولي طيب ومتجيش
لو لما الضيوف جت انت ندهت عليه وقولتله هات مثلا اي حاجه للضيوف وجاب فعلا يبقي هو كده سمع كلامك مش استجاب ليه معملش الخير ليك يعني
لكن لو مجبش يبقي هو كده استجاب نفذ الصالح ليك مع العلم انه معملش ظاهر الامر اللي هو انه يجيب الحاجه للضيوف .
اتمني تكون فهمتني واسفه علي الاطاله

spower يقول...

جزاك الله كل خير

وان شاء الله تكملي معانا دايما في التدوين

مـجـنـووون يقول...

جزاك الله خيرا

والله لو التزمنا بأول صفتنا إلي هم ( طاعة الله وحب الرسول ) بجد حيبقي لحيتنا شكل تاني خالص


تقبل مروري
مجنووون

جوجو يقول...

احمد الشاعر

كل سنة وانت طيب

وجزاكم مثله

شكرا على مرورك

جوجو يقول...

السلام عليكم

دكتورة سلمى

اهلا بيكى وكل سنة وانتى طيبة

نورتى المدونة

كل الكلام الحلو ده بس من زوقك

تحياتى

جوجو يقول...

ديدو

ولا يهمك يا عسل المدونة مدونتك

بجد شكرا على توضيحك اللى افادنى


شكراعلى مرورك

جوجو يقول...

spower

هلا بيك كل سنة وانت طيب

وجزاكم مثله

يارب اكمل ان شاء الله

جوجو يقول...

مجنوووووووووووووووون

اهلا بيك

وجزاكم مثله

شكرا على تعليقك

عايش... ولكن !!!! يقول...

صدق ابراهيم بن ادهم
ولكن اعلمى انه ليس من شروط استجابة الدعاء ان يستجاب فى وقته فقد يكون ما هو قادم اهم من استجابه الدعاء

موجة يقول...

بوست رائع
الصراحه الموضوع جميل
ويارب يتقبل دعاء كل المسلمين

جوجو يقول...

عايش ولكن

اهلا بيك فى مدونتى

كل سنة وانت طيب

شكرا على تعليقك ومرورك

جوجو يقول...

موجه

ده بس من زوقك يا قمر

كل سنة وانتى طيبة


شكرا على مرورك

**sad smile** يقول...

بصراحة يا جوجو بووست رائع

علشان السؤال ده ناس كتيرة

كانت محتجاه .

وبالتوفيق دايما يا جوجو

وكل سنة وأنتي طيبة

Unknown يقول...

اية رأيك تشرفنا بالتواجد معنا يوم السبت؟ 13/9 هنتقابل فى مستشفى ابو الريش الساعه 3 عصرا للتبرع للاطفال
؟؟؟
وباقى التفاصيل عندى بالمدونة

جوجو يقول...

سمر

كل سنة وانتى طيبة

كل الكلام ده بس من زوقك

تحياتى

جوجو يقول...

نهر الحب

هههههههههه يوم السبت ده عيد ميلادى

هدخلك المدونة

شكرا على مرورك

kafrawy يقول...

لاننا اشتغلنا بالدنيا و نسينا الاخرة


كل سنه و انتى طيبه

تحياتى

جوجو يقول...

كفراوى

وانت طيب

شكرا على زيارتك

فراشة البساتين يقول...

بوست فعلا فى وقته

جزاك الله عنا كل خير

رمضان كريم

جوجو يقول...

fire bird

كويس انه جه فى وقته

وجزاكم مثله

كل سنة وانتى طيبة

شفـقــة و إحســــان يقول...

وحشتينا اوى
بس ياريت ما تسبيش عالم التدوين

جوجو يقول...

شفقة هانم واحسان بك

وانتك اكتر والله

كل سنة وانتم طيبين

ربنا يقدرنى ان شاء الله

elsha3er يقول...

يالا كدة شدى حيلك وعايزين نشوف موضوع جديد

احمد الشاعر

Hosam Yahia حسام يحيى يقول...

بوست جميل

بس فين تكمله الحوار مع ابراهيم بن ادهم

هوا بعدها قال الحل

(كبف ستجاب الدعاء )

:)


تحياتى وكل سنه وانتى طيبه

جوجو يقول...

احمد الشاعر

ان شاء الله

كل سنة وانت طيب

جوجو يقول...

حسام يحيى

ده بس من زوقك

شكرا على مرورك

دومت بخير
كل سنة وانت طيب