الثلاثاء، 16 سبتمبر، 2008

النقااااااااااااااااااااااااااااااااااااااااب


السلام عليكم


انا النهاردة هحكلكم قصة احدى صديقاتي هى قصة مهمة وبتحصل كتير اوى


عندى واحدة صحبتى ملتزمة جداا بس هى كان نفسها تلبس النقاب اوى


وفى يوم من الايام قالت لمامتها كده بس طبعا مامتها رفضت وقالتلها لما تكبر شوية على الاقل لما تيجى تدخل الكلية


خرجت صحبتى وراحت درس عربى قبل ما تدخل الدرس راحت لمحل بيبيع النقاب واشترته


ولبسته جوه المحل وراحت بيه الدرس وبعدين روحت طبعا


رنت جرس بيتهم مامتها فتحتلها صرخت اول ما شفتها مصدقتش نفسها


المهم كان عليها درس كمان فى نفس اليوم مامتها حلفت انها مهى خارجة بيه لكده لا تقلعه عشان تروح الدرس لا مترحش


صممت برضه تخرج الدرس وبالنقاب


من فترة بسيطة عرفت انها قلعته وبتخرج من غيره


انا مدركة انه لا طاعة لمخلوق فى معصية الخالق بس دى مش معصية


فى سؤالين محيرنى


ليه هى عملت كده من غير موافقة مامتها؟


هل قرار مامتها ده صح؟


انا مع مامتها وماْيدة راْيها اوى


بس دى فعلا مشكلة كبيرة النقاب اليومين دول بقى موضة


يتلبس شوية وبعدين يتقلع يبقى ليه نلبسه من الاول


هى دى قصة صحبتى وهى دى الاسئلة اللى محيرانى

هناك 30 تعليقًا:

قلب مصرى يقول...

باعتبار النقاب فى أغلب أراء الفقه ليس فرضاً فهى لم تأثم لخلعه، لكنى أحزن حينما أجد من يتقرب إلى الله خطوة أو خطوات ثم يرتد بعيداً، وأتسائل مثلك تماماً عن أسباب هذا الابتعاد ولا أدرى السبب.

لم تفسرى لماذا تتخذين جانب والدة صديقتك؟

جوجو يقول...

قلب مصرى

اهلا بحضرتك

اسعدنى تعليقك

هجاوب على سؤال حضرتك

انا ليه واقفة الى جانب والدتها

لان بنتها حطتها قدام الامر الواقع

لبست النقاب وهى فى سن صغير وكمان من غير موافقتها

اسعدنى ورورك

كل سنة وحضرتك طيب

عبدالهادى_سارة يقول...

النقاب ..قبل ما يكون شكل فهوه مضمون

لانك بالنقاب تقدري توصلي للمجتمع حجات كتييير

وفي نفس الوقت الوقت النقاب مسئوليه كبييرة....ليه؟
لانى لما البس النقاب انا مش لبساه منظر ..لبساه لانى مقتنعه بيه..فانا بكده بكون قدوة لغيري
واي حاجه بعملها محسوبه عليا
سواء صح او خطا

وعايزة اوصل رساله الى الناس مكونة من شيئين
1/ان اللي لبسه النقاب دي انسانه وبنى ادمه وبتغلطط زى كل الناس ..ويمكن تغلط اكتر من الناس العادية لان الشيطان بيكون معاها اكتر..

2/ ان النقاب شئ جميييل ..لكن مش سهل ابدا ..واي شئ خير او حسنة بيبقى صعب في الاول ..لكن بعد كده بتحسي بلذه..وراحه وانتى لبساه

وربنا يوفق كل واحده في نيتها تلبس النقاب لله ..وليس للناس

جوجو يقول...

عبد الهادى _ سارة

اعتقد ان سارة اللى علقت عشان لابسة نقاب

بجد تعليق جميل

انتى قولتى ان النقاب مسؤلية وهو فعلا مسؤليه

عشان كده لازم اللى يلبسه يكون جدير بتحمل المسؤليه

دومتى بخير

حسن حنفى يقول...

انا شايف ان الناس دلوقتي كتير جدااا

منهم بيلبسوا النقاب كمظهر وخلاص

واللي بيلبسه باقتناع بيبقوا ناس قليلين

وللاسف ان فيه ناس بتعتبر النقاب ده تخلف ورجعيه

وبتمنع ان اولادها يلبسوه

انا شايف ان الام اخطات انها تمنع بنتها

ويمكن البنت لبسته علشان تعند مع ماماتها

لانها رفضت انها تلبسه مش اكتر

والام لو شايفه انه غلط ونصحتها

تسيبها وهي هتعرف انه خطا وتشيله تاني
مع العلم انه مش خطا

غير معرف يقول...

Thanks
Creat easily your blog and earn money with google adsense
Free Call World Wide Africa Europe America Asia USA UK Japan...
Templates For Blogger
Funny Photos

جوجو يقول...

حسن حنفى

عندك حق اليومين دول بيتلبس النقاب على اساس انه مظهر

بس انت وضحت اوى وقولت انها ممكن تكون لبسته عند وده سبب مقتع جداااااااا

شكرا على تعليقك

جوجو يقول...

غير معرف

العفو على ايه

هى دى الكلمة الوحيدة اللى فهمتها

اكتر من كده مش فاهمة

شكرا على المرور

رحــــيـل يقول...

والله ياجوجو انا شايفه ان الموضوع حريه شخصية جدا
وبعدين بدل متشغلى بالك بصحبتك اللي لبست النقاب وقلعته اشغلي بالك باختك الكبيرة
مهي عملت نفس الحركة برضه هههههههههه
انا مش هقول رأي ولا تعليقي عشان انا هنزله فى بوست عندي ان شاء الله

البنت الشقيه يقول...

عندك حق النقاب والاسدال بقو موضه اليومين دول وانا فعلا معظم اصحابى لبسوا الاسدال كموضه مش اكتر وهما مش ملتزمين حاجه غريبه فعلا
..................
انا رائى ان الام مش غلطانه لانها ادرى ببنتها ولو كانت الام متاكده من ان بنتها هتلبسه دايما مكنتش متعتها ابداااااااا


ربنا يهدينا كلنا

تحياتى
البنوته الشقيه

elsha3er يقول...

السلام عليكم انا شايف انها صح ولازم تلبس النقاب مادام هى مقتنعة بكدة وزى ما عرفنا منك ان هى ملتزمة يعنى مش واخدة النقاب موضة انا شايف انها تقنع مامتها وهى صح

احمد الشاعر

TiMmY يقول...

و الله ما انا عارف أقول ايه ..

فكرتني بواحد معرفة !!! أطلق لحيته و برضه أجبروه في البيت على حلاقتها ..

بس للأسف الخوف من رد الفعل ليها بعد إجبارها على خلع النقاب ..

ممكن يبقى رد فعلها عكسي -زي صاحبنا- و يحاول يقلب خالص طالما هم مش عاوزين تدين .. يبقى نقلبها صياعة .. و ده طبعا غلط و ناتج عن جهل ..

ربنا يكون في عونها .. و عون الجميع ..

جوجو يقول...

رحييييييييييييييل

ايه يابنتى انتى اخدة اجازة من التدوين

عند كل الناس وانا لاء

وبعدين ياقمر انتى اختى فى البيت

ههههههههههههه

جوجو يقول...

البنت الشقية

راْى جميل ووجهة نظر سليمة جدااااااا

بشكرك على زيارتك

جوجو يقول...

احمد الشاعر

وعليكم السلام

هى فعلا ملتزمة جدااا

تقنع مامتها بعد ايه بقى

هى لبسته من غير ما تقولها وقلعته تانى

شكرا على مرورك

very sad يقول...

موضوع جديد ومميز جدا يا جوجو

هي صاحبتك دي صح وفي نفس الوقت غلط

لأنها نفسها تلبس النقاب ودي حاجة حلوة

بس برده ده يمنعها من أنها تلبسه

من غير رضا مامتها .

وبعدين مامتها مرفضتش أنها تلبسه

بس قالتلها ألبسيه في سن مناسب

الكلية مثلا .

فهي لبسته شوية وأكيد خلعته

لأنها حست أن مامتها مش راضية بكده .

وربنا يوفقك يا جوجو ويخليكي ليا

تحيااتي

جوجو يقول...

تيمى

اهلا بيكى

ربنا يكون فى عونها فعلا

ميرسى على تعليقك ومرورك

جوجو يقول...

فرى ساد

اهلا سمر

ايوة قلعته عشان حست ان مامتها مش راضيه عنها

شكر ياقمر على تعليقك

جمعاوي(لا للنميمة) يقول...

السلام عليكم جوجو

ورربنا يكرمك يا رب على اثارة الموضوع الجيد ده وربنا يعين على الاستفادة منه

بس انا ليا يعنى سؤال كده
هو ليه الناس لما نقوله تتمسك بالفرائض بنلاقى البعض يبقى مكسل شوية ونيجى على الامور اللى فيها اختلاف والامور الظاهرية تلاقى تمسك غريب بل وتقاتل عليها

انا حاسس ان نفسيتنا محتاجة لمراجعة

بس ده ما يمنعش ان كل واحد حر فى اختياراته وطالما الموضوع طاعة يبقى خلاص(لا نامر بمفضول ولا ننهى عن فاضل)
دمتى لنا بخير ويلا سلام

مـجـنـووون يقول...

والله بالنسبه لموضوع الحجاب لازم يكون عن أقتناع وفكر

وإي واحده تلبسه من غير ما يكون ليها هدف وفكر صدقيني حترجع زي الأول ويا ريت متبقاش أوحش

فلازم قبل ما الوحده تنوي تتحجب أنها تقرا عن فضله وأهميته وميزاته

يعني من الأخر تكون مستعده نفسيا ومعنويا وجسديا له

تقبلي جنوووني
مجنووون

oRiGiNaL HeArT يقول...

علشان كدة لما واحدة من صحابى بتقولى هلبس النقاب بقولها فكرى الاول كتييير قبل ما تاخدى
القرار
هل يا ترى انتى لابساه لانه عاجبك وشكله ستايل الايام دى
ولا دى حاجة انتى بتتقربى بيها لربنا
وفى ناس اعرفهم عملو زى صحبتك كد ودة شئ بيضايقنى جدا
ربنا يهديهم

جوجو يقول...

جمعاوى لا للنميمة

وعليكم السلام

الله اعلم ليه بنتمسك بحجات عليها اختلاف كتير ونسيب الظواهر

شكرا على مرورك

جوجو يقول...

مجنوووووووووووووووووووون

اهلا بيك

فعلا لازم تكون مستعدة نفسيا ومعنويا

شكرا على مرورك

جوجو يقول...

اروجينال هيرت

حمدلله على سلامت

ربنا يهديهم يارب

شكرا على مرورك

خديجة محسن "لؤلؤة الاسلام" يقول...

اختى جوجو
ازيك يا قمر
و حشتينيييييييييييي
و فعلا الحكاية دي بتحصل كتير
و ربنا يهدينا

و على فكرة بحيك و بحى اهل الدهلقية كلهم
لان ديه بلد بابا
و بلدنا الاصليه

قطرات من شواطئ الحياة يقول...

جوجو زي ما قال قلب مصري مادام النقاب مش فريضة يبقى هي مش آثمة إنها شالته
يعني لو واحد بيصلي السنة و فجأة اكتفى بالفرض بس يبقى ماعليهوش وزر بس نزعل إنه بعد شوية عن ربنا مش أكتر
اللي آثمة بجد هي البنت اللي بتحط الحجاب و بتشيله أو مابتحطوش أصلا

انا مش في صف مامتها عشان دي حرية شخصية بالعكس البنت دي ماشاء الله عليها إنها قدرت تاخد القرار دا في ظروف مجتمع زينا نظرته وحشة أوي للمنقبات و في الفترة اللي لبست فيها النقاب أخذت ثواب كبير جدا

ربنا يثبتها و يقربها منه تاني يا رب

قطرات من شواطئ الحياة يقول...

نسيت أقولك ليكي تاج عندي ;-)
يللا بسرعة شوفيه

انى احبكم فى الله يقول...

اذيك يا جوجو اشكرك على الموضوع الجميل ودى فعلا حاجه مهمه اشكرك على المدونه وتحياتى ليكى وتقبلى مرورى رمضان كريم

همسات شاب يقول...

على فكرة ... فكيرة البوست ده حلوة أوي


بنات كتير بتلبس النقاب منظر

وناس كتير بتلبسه التزام

عجبني جدا .. انها كانت عايزه تلبسه من نفسها

قليل جدا اللي بيلبسه التزام

ولكن توقعي انها مش كملت في لبسه انه كان بالنسبة ليها مجهول وحابه تكتشفه

فلما اكتشفته خلاص بقى

إلا اذا كانت والدتها هيه اللي أجبرتها


حاجه تانية وهيه عقدة عند الأمهات أو بعض الأمهات كي أكون صادقا

انها عايز الناس تشوفها عشان حد يتقدم لها

ده تخيلي طبعا

الله أعلم بما في القلوب


عموما آولا وأخيرا انا مبسوط اننا بنتكلم في النقاب مش الحجاب


لأن فيه بنات بتتناقش في الحجاب

وده لوحده مصيبة


الحمد لله

الحمد لله


بوست جميل جدا


وفقكم الله

غير معرف يقول...

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘