الخميس، 25 نوفمبر 2010

هذا هو الحب



الحب :
يبدأ بالسماع والنظر
فيـتــولــد عنــــه الاستحســـــان
ثـم يقــــــــــوى فيصيــــر مــــــودة
ثـم تقــــــــــوى المـــودة فتصيـر محبــة
ثـم تقــــــــــوى المحبـــة فتـوجـب الهــــــوى
فـإذا قـــــــــوي الهــــــــــــوى صــــــــار عشقــا
ثـم يـــــــــزداد العشـــــــــــق فيصيـــــر تتييـمـــــــا
ثـم يـزداد التتييم فيصير ولهآ وهو قمة ما يبلغه المحب

الحب ليس سلعة رخيصة نساوم بها كما نريـد
الحب لا يقال له سحابة صيف وتعـدي ..
الحب لا نصفه بفصل من الفصول الأربعة ...
الحب ليس ورقة شجرساقطة ولا دمعة عابرة ولا أحلام ضائعة.
الحب ليس صورة ملونة ولا رسالة مزخرفة
الحب ليس حروفاً مذهبة ولا سطوراً معلقة.. ولا نغمة راقصة
الحب يا ابيض يا اسود ..ليس هناك وسطية ولا جدل يختلف عليه اثنان
الحب ليس قسوة تغلف بمرارة ولا فضاء ضيق ولا سراب مستحيل تحقيقه
الحب ليس طعنة قاتلة ولا شهـوة مفرزة .. ولا حرباء متلونة .. فلا ننظر له من ثقب الإبرة
الحب لا ينطلق عن الهوى وإنما هو شعور وإحساس يتغلغل في أعماقنـا
الحب مرآة الإنسان يعكس ما بداخلنا من عمق الوصف والخيال
الحب جذورمتأصلة .. الحب نستوحيه من أنفاسنا ومن دمائنا
الحب إرادة ثم صدق مع النفس ومع من نحب
الحب حصيلة الإعجاب الدائم بين الطرفين
بالحب نحيا ..فهو الروح للجسد فلا حياة بدونه وهو الأمل الذي يسكن أنفاسنا ويخاطب أفكارنا ليحقق آمالنا..
الحب سفينة بلا شراع تسير بنا إلى شاطئ الأمـان ..
الحب سماء صافيه وبحر هادئ وبسمة حانية ..
الحب يزلزل الروح والكيان ويفجر ثورة البركان
الحب نبنيه بأيدينا فماؤه يروينا وزاده يكفينا ..

هـذا هـو الحب لمسـة من الـوفــا و العـطـــا ء..
لــذا يجب أن يعطـى التقـديــر اللائق بــه ..
الحب يجب أن يكـون وديعـة مهذبـة للغايـة وان نأخـذه بجديـة إذا أردنا أن يعشقنـا من نريـد أ ن نعشقــه ..

الحب إبتسامة في حقل النفس....
الحب تضحية النفس السامية ..
أخيراً.. الحب.. أسطـورة تعجـز البشريـة عـن إدراكهــا إلا لمن صــدق في نطقهــا ومعناهـــا ..
الحب يقرأ ... والحب يسمــع ... والحب يخاطبنــا ونخاطبــه ... ويسعدنــا ونسعــده ..
وهو عطر وهمس نشعـر بسعادتـه إذا صدقنـاه في أقوالنـاوأفعالنــا ..
منقوووووووووووووووووووول

الأربعاء، 10 نوفمبر 2010

فى اوقات....


فى اوقات تجد فيها نفسك وحيدا حتى ولو حولك الكثير ولكنك وحيدا بمشاعرك واحاسيسك لم يكن لديك الرغبة فى التحدث تميل الى الصمت فى اغلب الاحيان ترى الحل المناسب الهجر والبعد ورغم هذا الا انك تتألم فلم يكن الهجر حلا يوما ولا سيكن والغريب انك تدرك هذا ولكنك تتمادى وتتخيل انك على صواب فى ذلك رغم اعتراض الاخرين ولكن لما لم تكن انت على صواب عنهم ؟ انك تحس ما لايحسون به فمهما فعلوا لم يصلوا الى درجة احساسك ترى الدنيا بعيون تختلف عن اعينهم تحب بقلبا يختلف عن قلوبهم فمهما تشابهنا فى اشياء تبقى الاختلافات بيننا وتلك طبيعتنا فمن الصعب ان ترى الدنيا بعيون الاخرين ومن الصعب ايضا ان تقبل ما يقولون لانهم عندما يقولون لا يحسون بما تحس فلكل منا طريقته الخاصة فى تعاملاته فنحن نختلف فى طريقة حبنا والتعبير عن مشاعرنا وايضا نختلف فى طريقة التعبير عن الغضب والانفعال وايضا نختلف فى طريقة تعاملنا مع الناس الاختلاف قائم مهما حدث ولكن لما لا يدرك الاخرون هذا الاختلاف؟ من السهل ان تجد نفسك فى هذه الحياة وحيدا ولكن للاسف لا تجد معك سوى الحزن والدموع فى اوقات تتمنى فيها ان تكون حجرا لكى لا تحس ولا تتألم ولا تحمل للحياة هما وفى اوقات اخرى ترى فيها انه من الافضل ان تعيش اللحظة وتنسى كل لحظات الحزن وتحاول ان تظل مع السعادة وتبتعد عن الحزن وفى اوقات تحب ان تجد نفسك فيها مع الناس تشاركهم فرحهم وحزنهم
ولكن خير الاوقات هى التى تجد فيها نفسك راض عما تفعل وترى الاخرون لا ينظرون اليك بنظرة الاستغراب والدهشة
تحديث
كل سنة وانتم طيبين وبخير ويارب يكون عيد سعيد على الجميع

الأربعاء، 29 سبتمبر 2010

رحيل وايناس نهر الحب على الثقافية كافيه

سارة اختى اللى هى رحيل صاحبة محاولات للبحث عني وايناس نهر الحب صاحبة مدونة اوتار كانوا ضيوف برنامج ثقافية كافية على قناة النيل الثقافية بيتكلموا عن المدونين ودورهم على ارض الواقع وده تسجيل الحلقة
ج1



ج2



ج3




انا اسفة جدا على عدم التابعة الفترة اللى فاتت بس بجد المدرسة والدروس والمذاكرة واخدة اغلب الوقت بشكر جدا الاستاذة جايدة العزيزى على سؤالها انا بخير ياحبيبتى الحمدلله بس الخنقة بقى والدراسة وبشكر كل اللى علقوا فى البوست اللى فات وبعتذر مرة تانية عن تقصيرى وبجد نفسى اتابعكم بس يلا اللهم لا اعتراض نعمل ايه الدراسة دى شر لابد منه هههههههههه

الخميس، 16 سبتمبر 2010

لماذا؟؟؟؟؟؟


لماذا نظل نتعاامل بسذاجة رغم اننا نعرف ان سذاجتنا سبب مشكلاتنا فى هذه الحياة؟

لماذا نظل مع من خدعنا وننتظر منه الخديعة مرة اخرى رغم ان هذه الخديعة سببت لنا الكثير من الالام؟

لماذا نظل على فطرتنا اللتى دمرتنا ولا نتخذ شيئا من اسلوب البشر فى هذه الحياة؟

لماذا نظل على سابق عهدنا ولم نغيره رغم ان بقاءنا عليه لا يسبب لنا الا الانهيار؟

لماذا نظل نبكى على اشياء ضاعت منا ولكننا من الممكن ان نجدها فى يوم من الايام؟

لماذا نضع احلامنا كلها فى هدف واحد رغم وجود اهداف كثيرة تنتظرنا احق واجدر من هذا الهدف الذى نسعى من اجله؟

لماذا عندما نجد الخديعة من البشر نستسلم من اول موقف ونلجأ الى الوحدة والانعزال؟

لماذا نصر على الخطأونفعله رغم ادراكنا له ومعرفتنا لنتائجه؟

لماذا نصنع اوهاما ونعيش عليها ونرفض الواقع الذى نحن عليه؟

لماذا نتعجل على الامور ولا نتركها تأتى كما تشاء ؟

لماذا نتردد فى اتخاذ القرار ونقف متحيرين اشد التحير لكى نتخذه؟

لماذا نتورط مع مشاعرنا وعواطفنا حتى نفعل اشياء لم تكن من اعتياداتنا؟

لماذا نقبل بأفكار ليست بأفكارنا ثم نندم بعدها؟

لماذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لو قعدت اقول لماذا للصبح انا واثقة انى عمرى ما هاخلص لان فعلا فى اسئلة كتير جوايا
.........................................................
اخباركم ايه ؟ يارب تكونوا بخير
بجد وحشتونى جدا انا عارفة انى مش مركزة فى التدوين اليومين دول بس مش بأيدى والله


الخميس، 9 سبتمبر 2010

السبت، 28 أغسطس 2010

علمتنى الحياة

فى بعض الاوقات يحتاج الانسان ان يكون وحيدا فى مكان بعيد عن البشر بعيد عن كل النزاعات والخلافات التى تدور حوله بعيد عن من يسببون له ايه مشاكل قد تكون الوحدة صعبة الى حد ما ولكنها ليست اصعب من المشاكل فأحيانا ما تكون مريحة وخاصة عندما تبعد عن اناس كانوا سببا يوما ما فى جرحك او ألمك فهذه لم تكن وحدة ولكنها حقا راحة ومن الغباء ان ينتظر الانسان الوفاء من مثل هؤلاء وهو وحيدا بعيدا عنهم فمثل هؤلاء لا ينتظر منهم الوفاء ومن الصعب ان اقنع نفسى بذلك فمثل هؤلاء لا يفكرون الا فى انفسهم فقط ولا يهمهم الاخرون يعيشون بالتظاهر يرسمون ما يحلو لهم دون حساب لمشاعر الاخرين فلا يهمهم ما يسببونه لهم من الم او عذاب او جرح
ومن الصعب ايضا ان تعيش مع اناس لا يراعون مشاعرك رغم قربهم منك وادراكهم لكل ما يحدث لك قد لايحسون بك وبكل مايحيط بك من الم او يحسون ولكن لا يظهرون فهم حقا لا يهمهم الا انفسهم
تعلمت من الحياة كثيرا
فقد علمتنى الحياة الا اعطى الامان الا هؤلاء البشر وان اتوقع الغدر فى اى لحظة
علمتنى الحياة ان من لا يراعى مشاعرى فهو لا يستحق ان يكون فى حياتى
علمتنى الحياة ان من يتخلى عنى فى وقت الازمات لا يستحق ان يكون فى حياتى فى غير هذه الاوقات
علمتنى الحياة الا انخدع بكلام البشر وان ادرك دائما ما وراءه
علمتنى الحياة ان امسح دموعى بنفسى ولا انتظر من انزلها من عينى حتى يمسحها
علمتنى الحياة الا افقد الامل وان انتظر الغد دائما وان اتوقع انه احلى من الامس ومن اليوم
عملتنى الحياة ان اعيد حساباتى وان اراجع نفسى دائما لكى لا اسبب ايه مشاكل الى من حولى
علمتنى الحياة ان انتهز الفرص و لا اجعلها تضيع من بين يدى واندم بعدها
عملتنى الحياة ان اكون حريصة على كرامتى فهى فوق كل شئ

السبت، 21 أغسطس 2010

منقوووووول



ايها القلب لا تحزن.... فان الحزن ينقص الاعمار...... لاتسأل عن قلب هجرك فالرجوع للماضي يسبب الدمار...... لا تخبر الغير بالغدر فالشماتة للقلب عار.....لا تلم الدنيا عن مصيرك فالحياة كلها اقدار لو كنت اعلم يا زمن ما كان يخفية القدر....... لنزعت قلبي بيدي......وزرعت قلبا من الحجر .

منقووووووووول

الأربعاء، 18 أغسطس 2010

ياارحم الراحمين


الله الله الله الله
يا ارحم الراحمين
ارضى علينا كلنا ... وعلى كل واحد مننا
اهدينا ..... امين
واشفينا ..... امين
وسامحنا ..... امين
واحمينا ...... امين
ابعد عننا اي مكروه يمسنا
ده انت العالم بحالنا كلنا
محتاجين لك محتاجين لك يارب العالمين

السبت، 14 أغسطس 2010

الى اناس كانوا فى حياتى


من فترة اغلقت كل الصفحات مع انواع من البشر ودعتهم حقا بدموعى فقد قضيت معهم اجمل ايامى ولكن للاسف قد تعرف اناس لفترات طويلة وتتأقلم معهم وتعاملهم احسن معاملة ولكن قد تكتشف مؤخرا انك لم تحسن الاختيار بل اسأته لم تدرك حقيقتهم بل خدعت فيهم اعطيتهم كل شئ دون انتظار اى شئ
ولكنى لم اندم ولو للحظة واحدة على معرفتى بهؤلاء البشر وقد كانوا بعد رحيلهم تركوا اثر كبيرا تركوا فراغا كبيرا ولكنى حقا تعلمت منهم كثيرا لقد علمونى درسا كان لابد وانا اتعلمه
علمونى الا اعطى الى من يمر فى حياتى كعابر سبيل ثقة كاملة
علمونى ان ليس كل من يظهر امامى الحب والود هو حقا صادق فيهما بل هما مجاملات ذائفة
علمونى الا انخدع بتلك الكلمات اللامعة البراقة وان انظر دائما الى ما وراء تلك الكلمات
فقد اثبتوا لى بغبائهم انهم كانوا لايسعوا الا من اجل مصلحتهم
حقا فاليوم اقولها
انهم لم يسوا شيئا وان نسيانهم امرا سهلا وان امرهم الان اصبح لا يهمنى
الان اخرجهم من حياتى لكى يجدوا مصلحتهم مع اناس اخرون ويلعبوا معهم دور البطولة مثلما لعبوها معى
الان لم احب ان اسمع منهم كلمة واحدة بل اريد الا اعرفهم مرة ثانية بل امحيهم من حياتى الى الابد

الاثنين، 2 أغسطس 2010

تدبيسة


تحديث
كل سنة وانتم طيبين رمضان كريم عليكم


طبعا التاج ده جالى من سماء صاحبة مدونة كلام من قلبى بشك
رها طبعا على التدبيسة دى وبحب اباركلها ع
لى النجاح الف الف مبروووووك ياقمر وعقبال الثانوية العامة ندخل بقى على الاسئلة المحرجة واللى نصها شكلى كده مش هجاوبه هههههههههه ربنا يستر والله
رتب الاتى حسب اهميتها بالنسبه لك
الصداقه _ الحب _ العائله_ المستقبل _ المال
العائلة - الصداقة- الحب - المستقبل - المال
................................


(عرف الحب فى جمله صغيره ( حب الحبيب و الحبيبه)

الحب هو احساس جميل ممكن يكون سبب فى انك تكون سعيد واحيانا بيكون سبب فى انك تكون حزين

.......................................

وهل يمكن ان نعيش بدون حب (الحبيبه او الحبيب برده ) ؟؟؟

ممكن لفترة نعيش من غير حب ده شئ عادى ووضع طبيعى لان حتى لو مفيش حب الحبيب اكيد الحب موجود حب الاهل والاصدقاء والناس

.......................................

ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟

كووووووووووول مى بلييييييييز هههههههههه بهزر والله مش قايلة رسايل ماليش انا فى الحوارات دى بلاش تسيح ياسماء

..................................................

- ياترى إيه أكتر حاجة بتكرهها فى الحياة ؟؟؟

الغدر

اللف والدوران

الحر

العالم اللى شاغلة بالها بالللى حواليها نفسى اقولهم ريحوا نفسكم شوية

.................................

لو هتتمنى أمنية قبل ما تموت هتبقى إيه

اموت وانا مفيش فى مشاكل بينى وبين حد محدش شايل منى ولا حاسة بالذنب تجاهه

....................................

مين أكتر حد محتاج تشوفه وترتاح فى حضنه أو تبص في عنيه

محدش

..............................................

مين أكتر حد نفسك تخسره ؟؟؟

محدش
................................

من وجهة نظرك ... إيه هى الحياة ؟؟؟
الحياة احيانا بتكون حلوة اوى واحيانا بتكون صعبة اوى محتاجة شوية صبر عشان نقدر نعيشها
.........................................
ياترى تقول إيه للعالم كله ؟؟
خليييييييييكو فى حالكم
.........................................
ياترى هتقع فى الحب تانى لو حبيبك/حبيبتك سابك أو لو كان سابك بالفعل ؟؟؟؟
مبتفقش الدنيا على حد وادى نا س بتيجى وناس بتروح طبعا ده حمادة هلال اللى بيقول الكلام ده مش انا
....................................................
ياترى لو هتخسر كل اللى حواليك فى سبيل حلمك ؟؟؟ هتكمل وتحاول تحققه حتى لو كان مستحيل ؟؟؟

هحاول واللى فى الخير ربنا هيعمله
........................................
ياترى إيه أكتر إحساس عشته الايام اللى فاتت ؟

احساس الوحدة
...........................................
بتمررى التاج دا لمين ......
مش بحب ادبس حد ابدا بس اللى يحب يجاوب التاج يجاوبه
....................................

الاثنين، 26 يوليو 2010

حقائق


لو ان النسيان امرا كان بإرادة الانسان فكان من السهل عليه ان ينسى شخصا شيئا موقفا ولكنه ليس بإرادته فالنسيان شيئا صعب والأصعب الذكرى التى تكاد ان تقتلك لو ان الانسان كان يعرف نهاية الأمور قبل بدايتها لو ان الأنسان كان يعرف حقيقة كل شخص قبل ان يصادقه لو ان الأنسان كان يدرك انه سوف يجنى الأشواك بدل الورود لتأكد من كل شيئا قبل ان يفعله ونظر الى اخره قبل ان ينظرالى اوله

الثلاثاء، 20 يوليو 2010

الوردة تنادي على قاطفها

يا اللّه.. كم أتمنى لو استطعت يوماً، ولو قبل موتي بيوم، أن أوثّق للتاريخ كلّ الكمائن التي نُصِبَت لي ووقعتُ فيها، أحياناً بملء إرادتي، وبرغبة في التغابي. التغابي ترف ليس في متناول الجميع.. يلزمه استعداد مسبق للخسارة مقابل ابتسامة تهكُّم لا يراها غيرك.ـ لا تحزنني فخاخ المال. أختي كانت تردّد: «أحب أن أدفع لأعرف حقيقة مَن أُعاشر». البعض جاهز ليخسرك من أجل القليل. قيمته تساوي بالضبط ما أعتقد أنه أخذ منك. لذا، حتى الخسارة الماديّة، هي في حقيقتها فاجعة أخلاقية.ـ تحزنني فخاخ المحبَّة. فكم عرفت منها ولم أتعلّم. نحنُ دائماً ضعاف أمام المحبة في سخائها وبراءتها الأُولى. الفخاخ تأتي لاحقاً.ـ احــــذروا المحبَّة العجلَى.. إنها غالباً ما تُغادر باكراً. لا وقت لها لانتظار الموسم المقبل. هي تفضّل القطف السريع.ـ كنت سأنصحكم بأن تحجبوا ورودكم عن عابري السبيل، لولا أن العطر سيشي بكم.ـ الوردة تنادي على قاطفها ليسرقها
بقلم الكاتبة الجزائرية احلام مستغانمي

السبت، 10 يوليو 2010

الحمدلله نجحت ياناااااااااااس


الحمدلله احمدك واشكر فضلك يارب بجد مش قادرة اصدق خلاص انا حاسه انه هيغمى عليا من الفرحة مكنتش قادرة استوعب وهما بيقولولى والله خلااااااص حاسة انى اجننت طعم النجاح حلو قوى ببارك لكل صحابى وبقولهم من كل قلبى الف مبروووووك ليكم ويارب دايما من نجاح الى نجاح والله انا حاسة انى طايرة من السعادة مش عارفة ليه هما صحيح مش هيدخلوا كليه حلوة بس المهم انى عديت الرياضة هى اللى منزلالى المجموع بس يلا خير الحمدلله جبت 88.5%د

الخميس، 8 يوليو 2010

دعواتكم


اخباركم ايه ؟ يارب تكونوا بخير
انا والله مش عارفة مالى مفيش اى حاجة فى دماغى اليومين دول عشان انزلها فى المدونة ولا حتى عارفة اركز خالص
النتيجة قربت تظهر اوى بيقولوا يوم الاحد الجاى بجد انا همووت من الخوف مش عارفة ليه الاحساس ده بس اكيد عشان
مش حليت حلو فى بعض المواد الحمدلله على كل حال ويااااااااااااااارب انجح عشان انا تعبت والله قوى السنة دى
وكانت سنة مملة وطويلة جدا بس الحمدلله اهى عدت يارب فعلا تكون عدت وتنتهى بالنجاح
ادعووووولى كتييييييييييييييييييييييييييير
بجد محتاجة دعواتكم قوى اليومين دول عشان خلاص دول اصعب يومين بالنسبالى

الخميس، 1 يوليو 2010

نظرتى الجديدة للحياة


عندما تأملت ونظرت الى هذه الحياة احسست وكأنها حقا تستحق الحياة تستحق بقضاء كل لحظة فيها تستحق السعى من اجلها تستحق ان احياها بتفاؤل اترك جانب الحزن والتشاؤم فلم اجد شيئا يستحق الحزن ولم اجد من البشر شخصا يستحق ان احزن عليه فلابد وان اتعلم لابد وان اتحدى لابد وان اهزم هذا الحزن واعيش هذه الحياة استمتع بكل لحظة فيها وان اتخلى عن جانب الحزن الذى يسيطر علي فى معظم الاوقات حقا عندما تأملت وجدت نفسى قد اعطيت الامور اكثر من حقها واضعت وقتا فى اشياء اتفه من انى اضيع وقتى فيها وعرفت اناسا كانت معرفتى بهم خاطئة فكم من لحظات ندمت فيها على ما افعله وكم من دموع نزلت من عينى على اشياء تافه وكم من ثقة اعطيتها لاناس لم يستحقونها ولو لحظة واحدة ولكنى تعلمت نعم تعلمت الكثير والكثير تعملت اننى لابد وان افكر فى كل شئ قبل ان افعله تعملت ان اختار وان احسن هذا الاختيار تعلمت ان اتعصب لكل شئ يهمنى وان اخذ الامور باهتمام اكثر مما كنت اعتاد تعلمت ان اصبر على الامور تعلمت من كل موقف مررت به من كل شخص تعاملت معه من كل يوم مر على ومن كل هذا ادركت شيئا ادركت ان هذه الحياة جميلة ولابد وان استمتع بوجودى فيهالابد وان اعيشها

الخميس، 10 يونيو 2010

الف مبروووك ياسارة


بكرة ان شاء الله كتب كتاب اختى سارة الف مليون مبروووووووووووك ياسارة وعقبال الفرح وابقى اعمليه يوم الامتحان بتاعى مش قبليه بيوم هههههههههههههههه اصلها اتنادلت معايا وانا عندى امتحان يوم السبت يعنى للاسف مش هعرف احضر ما اهو اصل انا مش هفضل تعبانة طول السنة على رأى صحابى واجى ضيع كله فى يوم قبل الامتحان وانا اساسا مش ناقصة خالص انا حاسة ان كل المعلومات دخلت فى بعضها ونسيييييييت كل حاجة بجد خايفة اوى محتاجة دعواتكم الاسبوعين دول عشان قلقانة نفسى حد يوصفلى يعنى ايه امتحان ثانوية عامة مش عارفة انا هيكون منظرى اذاى فى اللجنة مش قادرة استوعب مش قادرة اوصف بجد الخوف ده واعصابى تعبانة جدا ربنا يستر المهم يعنى انا داخلة عشان ابارك لسارة ويارب يكون اليوم بتاع بكرة حلو ان شاء الله
الف مبروك ياامجد وربنا يتمم بخير ويوفقكم يارب

الخميس، 29 أبريل 2010

تاج من ريمان




ماذا ستكتب لنا لتعبر عن حياتك التى عشتها الى الان فى كلمات قليلة؟


الى الان لما احس بالسعادة التامة ولكنى انتظرها وليس بهذا المعنى ان هذه الحياة السابقة كانت تعيسة ولكن دوام الحال من المحال




اذا اردت ان تبكى الان فعلى من تبكى؟


ابكى على اشياء فعلتها ولكنى ندمت عليها اشد الندم على اناس عرفتهم واعطيتعهم كل حبى واخلاصى ولم يكونوا اهلا لذلك


من ستختار ليمسح دموعك؟


اختار اقرب الناس الى من يحرص على عدم نزول هذه الدموع اختار من ستكون دموعى عنده غالية ويقدر هذه الدموع

لو خيروك بين حبيبك وبين واعز صديق فمن تختار؟


اختار الاصدق والاوفى والذى اثق فيه منهما اشد الثقة

من يسكن قلبك؟

من ارتاح اليه من اجد انه يستحق انا يسكن قلبى

هل تعتقد ان حظك سئ؟

مممممممممم ممكن اقول فى اوقات ده انا حظة زبالة بس بتبقى مجرد كلمة لكن اؤمن بأن هناك قضاء وقدر وان ما يحدث ليه هو من عند الله عز وجل وهو قدرى ولابد وانا ارضى به مهما كان

هل هزمك حزنك فى يوم من الايام ؟

ايوة وخاصة لما بيبعدنى عن حاجات لازم اهتم بيها

(مستحيل انساك ) لمن تقولها ؟

مفيش حد محدد لكن الى من اخلص الى واحبنى وحرص على سعادتى

(اللى راح راح وما تفيد كلمة ياريت ) اذا اردت انا توجه هذه العبارة لنفسك فماذا تقصد بها؟

اقصد حاجات كتير عملتها ندمت عليها حاحات كتير قولتها مكنش لازم تتقال ثقة اديتها لناس كتير ومعملوش حسابها وخانوها فى لحظة فهقول بقى اللى راح راح وما تفيد كلمة ياريت

(انت كل شئ فى حياتى ) لمن تقولها؟


امى ربنا يخليها ليا يارب

متى اخر مرة بكيت؟

ده عرض مستمر ههههههههههه بس اخر مرة كانت امبارح كنت قاعدة مع نفسى وبذاكر قصة واسلاماه وفجاة سرحت وافتكر ت حاجات كتير وبكيت بسسسسسسسسسسسسسسس

هل لديك الجرأة ان تقول عمرك امامنا؟

وليه لاء 16 سنة

هل انت راضى عن نفسك؟
لا خالص


هل تؤيد الزواج العاطفى ام الزواج التقليدى؟ ولماذا؟


سواء كان عاطفيا او تقليديا لابد من الاتفاق والرضى يعنى الزواج التقليدى مش وحش بس لازم يكون فى قبول ولازم يعرفو بعض اكتر

ايهما تفضل شهادتك الجامعية ام الزواج ممن تحب؟

الشهادة الجامعية وبعدين بقى ان شاء الله كله يتحل هههههههههه وتبقى قشطة يعنى

هل تعترف بشئ اسمى الصداقة بين الرجل والمرأة؟

ايوة احيانا الصديق بيبقى اوفى من الصديقة بس مش دايما طبعا

هل انت مدمن تفكير؟

لا بزهق بسرررررعة

من هو ااكتر شخص تفكر فيه؟

انتو مالكم هههههههههههههههههههههه


ااذا تم تعينك ملكا لجميع البلاد العربية فما هو اول قرار ستتخذه؟

هخلى مادة الرياضة دى اختيارية عشان انا بكرها جدااااااا

هل تكره شخصا بشدة؟

ايوة


هل ملابس الشخص امامك تؤثر فيك لتأخد عنه انطباع ؟

ااحيانا بس مش دايما


ما الذى يلفت انتباهك فى الشخص بسرعة لكى تعجب به ؟


اسلوبه فى الكلام زوقه فى التعامل

اذا احببت شخصا فى الوقت الخطأ وفى المكان الخطأ فماذا تفعل ؟

هحاول انسى على قد ما اقدر وابعد

حكمة تؤمن بها جدا؟

دوام الحال من المحال

عادة تفعلها دائما تتمنى ان تتركها؟

نفسى ابطل اقعد نت هههههههه

ما هو اجمل اسم لبنت واجمل اسم لولد من وجهة نظرك؟

يوسف وملك


ماذا تفعل اول شئ اذا ربحت مليون؟

ههاجر من البلد دى ههههههه اصلى زهقت منها قووووى


هل انت ممن لديهم حب التملك واذا امتلكت شئ اصابه الملل منك؟

انا بزهق بسرعة قووى وبحب اغير حاجات كتير بعملها


اعتذار تريد ان تقدمه لمن ؟

بعتذر لنفسى قوى وكمان لاى حد غلط فى حققه


لمن تهدى هذا التاج من بعدك؟

لمن يعجبه التاج ويريد الاجابة عليه

السبت، 24 أبريل 2010

!!!!!!!!!فى لحظة




فى لحظة تتغير حياة الانسان


فى لحظة يصبح مجبرا على مستقبله ليس لديه الاختيار



فى لحظة تقتل طموحاته وتفسد حياته ويدمر مستقبله


فى لحظة يفقد حريته ويصبح اسيرا يحركه البشر


فى لحظة يصبح غير قادرا على ان يتكلم غير قادر على ان يبدى رأيه فى اى شئ


فى لحظة يفقد الامل يفقد الابتسامة يفقد ثقة الناس ويقفد نظرتهم اليه


فى لحظة يجنى الشوك بيده يجنى العذاب والالم


فى لحظة يجد النور الذى يعيش فيه تحول الى ظلمة لا يرى فيها سوى اشباح
فى لحظة تنزف عيناه دما بدلامن الدموع


فى لحظة يتحول احساسه تجاه الاخرين ويشعر وكأنه شخص غريب ثقافته مغايرة لثقافة من ينظر اليهم


فى لحظة يجد نظرة الاخرين اليه قد تغيرت

فى لحظة يجد نفسه وحيدا منعزلا عن هؤلاء البشر

فى لحظة يكره حياته ويحس بأنها ليست جديرة بالتعب والكفاح من اجل تحقيق ذاته


فى لحظة يفقد كل شئ ويتحول الى قاتل ليس امامه الا القيود والاغلال


فهو الذى اختار طريقه بنفسه فما الذى وصله الى كل هذاا؟ ولماذا لم يكن حريص قبل ان يفعل اى شئ لما يترك للشيطان فرصه ان يسيطر عليه ويستغل ضعفه وغباءه

فهذا هو بالفعل ما حدث لشاب فى مقتبل عمره عندما كان يمزح مع احد اصدقائه باله حادة فقال له( هدبحك )فرد عليه قائلا(متقدرش) وفى لحظة عند قتله واضاع حياته وحياة صديقه ودمر مستقبله ودمر حياة اسرتين وادخل عليهما الحزن الذى سوف يلازمهما دائما

الاثنين، 12 أبريل 2010

كم من....


كم من أيام مررنا بها
كم من لحظات عشناها
كم أوقات قضيناها
كم من أحاسيس شغلت تفكيرنا
كم من مواقف أثرت علينا
كم من دموع نزلت من عيوننا
كم من أحلام بنيناها
كم من أناس أعطيناهم أكثر من حقهم في التعامل معنا
كم من حسرات على أوقات ضيعناها فيما لا يستحقها
كم من أشياء أتفه من أن نعطيها أكثر من اهتمامها
كم من أفكار سيطرت علينا
كم من ألام على ذكريات كاذبة
كم من أوهام عشناها وصدقناها كما لو كانت حقيقة
فلم الندم على كل هذا؟؟؟؟؟؟؟؟؟
الندم الذي لا يقدم ولا يؤخر ولا يفيد
لابد وان نتعلم من كل تجربة مررنا بها
لابد وأنا نتعلم من كل شخص تعاملنا معه
لابد وان نتعلم من كل موقف مررنا به
لابد وان نتعلم......
المهم إننا نتعلم وخلاص منندمش على اى حاجة عملناها نتعلم ونصحح أخطاءنا ومنكررهاش تانى

السبت، 20 مارس 2010

كل سنة وانتى طيبة ياامى


كل سنة وانتى ارق واجمل واطيب واحن ام فى الدنيا دى كلها بجد والله ياأمى يمكن اصدق حقيقة فى حياتى هى حبى ليكى ومهما قولت وعبرت عمرى ما هقدر اوصف مدى حبى ليكى عمرى ما هشوف حد يحبنى ويخاف عليا وقلبه عليا قدك مهما قابلت ومهما عرفت ومهما روحت ومهما جيت مش هلاقى قلب زى قلبك ده مش هقدر الاقى كل الطيبة دى فى قلب حد غيرك ولا اقدر اتخيلها او اتوقعها من اى حد غيرك انتى مش هشوف حد ابدا بيقلق عليا كل القلق ده غيرك انتى مهما شوفت مش هقدر اشوف حد متفاهم معايا زيك كده بجد والله بحبك قوووووووووووووووووووووووووى اناعارفة انى احيانا ببقى رخمة موووووووت وبزعلك منى بس والله غصب عنى لو بأيدى عمرى ما اعمل اى حاجة تضايك وكمان انا واثقة انى مهما عملت عمرك ما هتزعلى ولا هتشيلى منى بحبك لانى برتاح وانا جمبك قوى اول ما تضيق الدنيا بيا بحب اكون فى حضنك قوى بحبك لان مفيش اى حد ممكن يستحمل ضعفى وألمى وحزنى وجرحى غيرك انتى لانك اكتر حد يحب يشوفنى فى احسن صورة وفى احسن حال بجد بحبك قووووووووووووووووى ياأمى