الجمعة، 12 ديسمبر 2008

اصعب قرار




السلام عليكم

انا داخلة والله وقررت قرار صعب عليا اوى

بس اعمل ايه لازم كده والا هضييييييييع ميرضوكوش طبعا
انا قررت اخد اجازة من التدوين عشان امتحانات نص السنة قربت
وياريتها ما قربت ههههههه مش كانوا يستنوا شوية
معلش مش هقدر اتابع اى مندونات طول الفترة دى

هتوحشوووونى اوى والله انا اسفة اوى لو كنت عملت حاجة ضايقت حد طول الفترة دى
اشوفكم على خير ان شاء الله

السبت، 25 أكتوبر 2008

السعادة




السعادة

هذه الكلمات البسيطة لم يستطيع ان يحققها الانسان لنفسه مع الرغم من انه يبذل فى سبيلها اقصى جهد

لم اعرف لماذا ؟

لكن القليل فى هذه الدنيا يستطيع تحقيها وان ينعم بها

اصبح الحزن يخيم على قلوبنا ويتملكنا كل نعمة حولنا تتحول الى نقمة وكل فرح يتحول الى حزن

ننظر الى الدنيا وكاْنها السبب فى ذلك وكثيرا ما نرفض الحياة وفى نفس الوقت نخشى الموت

ونفزع من سيرته مع انه نهاية محتومة لكل كائن على الارض من منا لم يموت؟

لماذا لم نشعر باْحساس السعادة؟

انه احساس رائع جميل لكننا لا نستطيع تحقيقه فى هذه الدنيا التى تحول كل انسان فيها الى جبار ظالم

اين الحب والود والرحمة ؟

كل هذا ذهب ولما يعد اصبحت الحياة كريهة بالنسبة لنا لم نحبها ونشعر بها فهى ايام تنتهى وتبداْ ليس لها اى

معنى كل شىْ نحبه فى هذه الدنيا اصبحنا نكرهه

لم نجد الاخلاص والوفاء من اى صديق ولا قريب اصبح كلا منا يسعى الى تحقيق هدفه ويعمل لصالحه

ولا يهمه الاخرين حتى ولو اقرب الناس اليه

من فى هذه الحياة يعمل من اجل غيره ؟

اصبحت الحياة والتعاملات مجرد مصالح حتى لو هى ضارة بالنسبة للاخرين ولكنها صالحة لهم يفعلونها

ويجاهدون من اجل تحقيقها

انا بعتذر جداا عن عدم ردى على التعليقات وعدم متابعتى ليكم بس والله غصب عنى عشان الدراسة بس

وصلنى 3 تاجات من حسن وتاج من بنوتة وكمان تاج من اختكم فى الله ان شاء الله هحلهم فى اقرب وقت

الاثنين، 6 أكتوبر 2008

قلب ام


ما الذى حدث فى هذه الدنيا ؟؟؟؟؟؟؟؟؟؟؟؟

اصبحت القسوة تحل محل الرحمة فى معظم الاوقات

انتزعت الرحمة من قلوب البشر وحلت محلها القسوة

لقد حدث فى البلدة التى اعيش فيها شىْ مثير مرعب يحرك القلب من مكانه يؤرق الجفن يجعل العين تبكى دما بدل الدموع

سوف اقص عليكم هذه القصة الحقيقية الاقرب الى الخيال

تزوجت فتاة ولكن الله عزوجل اراد لها انا تنجب البنات وفى اثناء حملها بعد عدة مرات اتصلت بزوجها فى الخارج

واخبرته باْنها حامل رد عليها فى غلظة قائلا : لو انجبتى بنت سوف انفصل عنك ولن اعيش معك بعدها

ولكن لو انجبت ولد
سوف اكتب لك ميراثى
لماذا يحكم هذا الاْب
بهذه الطريقة؟

الم يكن يعرف ان كل امر بيد الله وان الله عزوجل هو الذى يرزق ويعطى

لماذا لم يرضى بقضاء الله وقدره؟

لقد من الله عليه بالبنات لم يكن يعرف ان غيره لم يرزقوا البنات ولا الاولاد

وضعت الاْم وكانت على امل انا يرزقها الله بولد ولكن قضاء الله وقدره انجبت بنتا

فعلت هذه الام الحدث الاليم المثير الذى لم استطيع استيعابه

قذفت برضيعتها فى بحر صغير قريب منها


ما ذنب هذه البنت البريئة؟

ولكن شاء القدر ان يراها الناس وهى تفعل تلك الجريمة ابلغوا البوليس وجاء وقبض على هذه الام وقاموا باْنقاذ المولودة البريئة ولكنها ماتت

ما هذا الجهل ؟

مع هذ الرقى والتقدم نفعل كما كان فى العصر الجاهلى ان ما فعلته هذا اقرب الى واْد البنات

لم استيع استيعاب ما حدث ولكنى شككت ان تكون هذه الام اصابها شىْ فى عقلها قبل ان تفعل ذلك

الثلاثاء، 30 سبتمبر 2008

العيد فرحة واجمل فرحة



كل سنة وانتم طيبين وبخير يارب دايما

الصيام خلص والعيد جه نصيحة من مجرب
بلاش اكل كحك وبسكوت والذى منه ده كتير هههههههههه

بجد الواحد بيحس بفرحة كبيرة فى العيد اوى
لدرجة ان العيد بينسيه كل همومه ومشاكله
اه والله ده انا حتى مش بنام ليلة العيد دى خالص

بيبقى يوم غريب وفى نفس الوقت جميل وممتع

ولا صلاة العيد بتبقى جميلة جداااااااااا

شىْ جميل ومنظر رائع لما تخرج كده تصلى العيد
وتقابل كل الناس اللى بتحبهم وكله بيبقى لابس جديد اليوم ده

على فكرة ده اول عيد اقضيه وانا فى عالم التدوين
عشان كده انا بحتفل بيه وحباه فعلا اوى

اتمنى انكم تقضوا عيد سعيد ان شاء الله

الجمعة، 19 سبتمبر 2008

تاااااااج من كريمان


جالى تاج من صديقتى اللى بحبها بجد قطرات من شواطىْ الحياة بقولها ميرسى اوى عليه
اول سؤال بيقول

اذكر 5 احلام على الاقل تخص ماضيك؟
1/ كان نفسى اوى ادخل عالم التمثيل وابقى ممثلة بس الحمدلله الفكرة دى اتشالت خالص من دماغى لما عرفت انها حرام
2/ كان نفسى افضل فى ابتدائى على طول لانى كنت لسة عيلة مش مسئولة اذاكر مذاكرش مش فارقة معايا هههه
3/ كان نفسى اوى اتعرف على ناس جداد واحبهم ويحبونى
يا مسهل مش عارفة اكمل بقيت الاحلام والله كفاية كده اوى


السؤال الثانى

اذكر خمس احلام على الاقل تخص مستقبلك ؟
نفسى ادخل كلية اعلام وابقى صحفية
نفسى احب الثانوى ومكرهوش زى ناس كتير
نفسى صحبتى سمر ترجع ان شاء الله ونكمل مع بعض
نفسى التزم اوى وارضى ربنا
نفسى افضل فى بلدى ومسبهاش ابداااااااااااااا

ايه ده مش معقول خلصوا ا
الحمدلله


ندخل على السؤال الثالت
مين اتعرفت عليه من المدونة ونفسك تتعرف عليه فى الحقيقة ؟
اول حد اتعرفت عليه من المدونة هى كريمان اللى اهدت ليه التاج وفعلا نفسى اتعرف عليها فى الحقيقة
ثانى حد حسن حنفى صاحب مدونة شيفا
ثالت حد سارة وعبده الهادى اصحاب مدونة مصر فى خطر

السؤال الرابع

اذكر شخصين على الاقل متواجدين فى حياتك حاليا كنت تود وجودهم قبل الان بزمن
سارة صاحبة مدونة مصر فى خطر

اذكر شخصين غير متواجدين فى حياتك حاليا كنت تود وجودهم فى حياتك الان او في حياة اولادك مستقبلا ؟

جدى الله يرحمه
سمر صحبتى وجارتى اللى سافرت السعودية

لمن تهدى هذ التاج ؟

اهديه

لمدونة عبد الهادى وسارة

لمدونة البنت الشقية

لمدونة احمد الشاعر

لمدونة اورجينال هيرت

لاحمد راْفت صاحب مدونة مستر منشد

لسمر صاحبة مدونة احزان مريم لما توصل ان شاء الله

ولاى حد بيحب التاجات وبيحب يحلها



الثلاثاء، 16 سبتمبر 2008

النقااااااااااااااااااااااااااااااااااااااااب


السلام عليكم


انا النهاردة هحكلكم قصة احدى صديقاتي هى قصة مهمة وبتحصل كتير اوى


عندى واحدة صحبتى ملتزمة جداا بس هى كان نفسها تلبس النقاب اوى


وفى يوم من الايام قالت لمامتها كده بس طبعا مامتها رفضت وقالتلها لما تكبر شوية على الاقل لما تيجى تدخل الكلية


خرجت صحبتى وراحت درس عربى قبل ما تدخل الدرس راحت لمحل بيبيع النقاب واشترته


ولبسته جوه المحل وراحت بيه الدرس وبعدين روحت طبعا


رنت جرس بيتهم مامتها فتحتلها صرخت اول ما شفتها مصدقتش نفسها


المهم كان عليها درس كمان فى نفس اليوم مامتها حلفت انها مهى خارجة بيه لكده لا تقلعه عشان تروح الدرس لا مترحش


صممت برضه تخرج الدرس وبالنقاب


من فترة بسيطة عرفت انها قلعته وبتخرج من غيره


انا مدركة انه لا طاعة لمخلوق فى معصية الخالق بس دى مش معصية


فى سؤالين محيرنى


ليه هى عملت كده من غير موافقة مامتها؟


هل قرار مامتها ده صح؟


انا مع مامتها وماْيدة راْيها اوى


بس دى فعلا مشكلة كبيرة النقاب اليومين دول بقى موضة


يتلبس شوية وبعدين يتقلع يبقى ليه نلبسه من الاول


هى دى قصة صحبتى وهى دى الاسئلة اللى محيرانى

السبت، 6 سبتمبر 2008

اعتذار وسؤال


فى البداية انا بعتذر جدا لانى مش رديت على معظم تعليقات البوست اللى فات
بسبب ظروف نفسية لدرجة انى فكرت اسيب المدونة



بس الحمد لله فكرت كويس وهستمر بس لما الدراسة تبداْ ان شاء الله
مش هقدر اتابع اى مدونات ربنا يسهل ان شاء الله



سالت نفسى السؤال ده كتير وبصراحة مكنتش لقياله اجابة
ليه احنا بندعى كتير ودعائنا مش بيستجاب ؟



دايما بساْل نفسى السؤال ده ووالله صدفة كده بقراْ فى كتاب
ووانا بقراْ لقيت الكتاب كاتب السؤال ده



استغربت جدا بس كان عندى اقبال انى اعرف الاجابة قبل ما كمل قراءة السؤال



المهم هقولكم السؤال والاجابة اللى قراْتهم سموا معايا



اجتمع ابراهيم بن ادهم باهل البصرة قالوا:



ما لنا ندعو فلا يستجاب لنا ؟



قال لاْن قلوبكم ماتت بعشرة اشياء :



عرفتم الله فلم تؤدوا حقه



وزعمتم حب النبى وتركتم سنته



وقراْتم القران ولم تعملوا به



واكلتم نعمة الله ولم تؤدوا شكرها



وقلتم ان الشيطان عدوكم ووافقتموه



وقلتم ان الجنة حق ولم تعملوا لها



وقلتم ان النار حق ولم تهربوا منها



وقلتم ان الموت حق ولم تستعدوا له



وانشغلتم بعيوب الناس ونسيتم عيوبكم



ودفنتم موتاكم ولم تعتبروا



وجزاكم الله خيرا

الثلاثاء، 26 أغسطس 2008

الفرااااااق


أصعب شىْ في الحياة هو أن تفارق اعز الناس أليك

أن تفارق إنسان تأتمنه على كل أسرارك

أن تفارق إنسان تحبه مهما حدث وتتقبل أخطائه مهما كانت

أن تفارق إنسان تشاركه فرحه وحزنه ويشاركك فرحك وحزنك

أن تفارق إنسان يذهب معك إلى كل مكان لا تستطيع أن تعيش بدونه

أن تفارق إنسان تحبه ويحبك تثق فيه ويثق فيك

أن تفارق إنسان كل صفاته تعجبك

أن تفارق إنسان تعلم نواياه ويعلم نواياك

أن تفارق إنسان ارتحت إليه واطمأنت نفسك إليه

ها أنا أفارق اعز صديقة لي فهي ليست صديقتي فقط بل جارتي قبل أن تكون صديقتي

سوف تسافر إلى السعودية تستكمل مراحل تعليمها هناك

ويعلم الله أنى احزن اشد الحزن لفراقها

الأحد، 24 أغسطس 2008

رمضاااااااااااااان قرب


كل سنة وانتم طيبين
رمضان قرب

شهر القران ,شهر الصيام,
شهر صلاة التراويح, شهر استجابة الدعوة
قرب اوووى .................عاوزين نستعد

احنا منعرفش اذا كنا هنعيش شهر رمضان اللى بعده ولا لاء

عشان كده لازم نغير حياتنا لازم نكون ناس تانين للاحسن طبعا

عاوزين نبطل نتفرج على مسلسلات وافلام ونسمع اغانى

عاوزين اى حد مخاصم حد يصالحوا

عاوزين نصحى نصلى قيام الليل

عاوزين يبقى كل هدفنا اننا نختم القران اكتر من مرة

عاوزين نرضى ربنا على اد ما نقدر

عاوزين نرضى امهاتنا ونعاملهم كويس

طبعا فيه ناس كتير هتقول هو رب رمضان مش زى رب بقيت الشهور

اكيد طبعا لاء مقصدش اننا نعمل كل ده فى رمضان بس اقصد ان احنا نلتزم بيه كمان من بعد رمضان

اه والله انا نفسى كتير اعمل كل الحاجات دى وخاصة ابطل اتفرج على افلام ومسلسلات

بس هو شيطان وبيزين لينا كل حاجة عشان كده لازم تقدر نتغلب عليه ونهزمه

ويااااااااااااااااااااااااارب

شهر رمضان يبقى شهر سعيد علينا كلنا

الخميس، 21 أغسطس 2008

تاااج2


جالى تاج من حسن حنفى بشكره عليه
************************
بدأت تدون من امتي ؟ و دخلت العالم ده ازاي ؟
انا بدات تقريبا من شهر الا يومين

دخلت عن طريق هيام صاحبة اختى رحيل هى اللى عملتلى المدونة
وبصراحة انا تعبتها معايا اوى وبشكرها جداااا
******************************
ايه كان انطباعك في البداية ؟
بصراحة كنت لسة معرفش اى حاجة فى التدوين

بس كان كل هدفى ان يكون لية اصدقاء كويسين
**********************************
مين اكتر واحد بتهتم بتعليقه علي بوستك الجديد ؟
انا بصراحة بهتم بكل المدونين اللى بيدخولولى دايما وبيعلقولى

***********************************
ايه أهم حاجة اتعلمتها من عالم التدوين ؟
اتعلمت حاجات كتير انى ممكن اكون اصحاب

وفعلا اتعرفت على كريمان عن طريق المدونة
وكمان فى مواضيع جميلة المدونين بيكتبوها بتعجبنى جداااا
وبستفيد منها
*****************************
ايه أكتر حاجة كرهتها ؟
الحاجة الوحيدة اللى احيانا بكرها لما انزل موضوع ومحدش يدخل يعلق
******************************
حاسس ان التدوين له تأثير ؟
اكيد طبعا ليه تاثير اضربلكم مثاال
انا كنت مشتركة فى منتدى اشراقة نهضة مصر وكنت بحفظ قران

وسبحان الله من ساعة ماعملت المدونة وانا مش بدخل
وبصراحة زعلانة جداااااا
********************************
تهدى التاج لمين ؟
وصلت للسؤااااااااااال اللى مش بحبه
لان فيه ناس كتير مش بيحبوا يجابوا على التاجات
بس على العموم اهديه

هيااااااااااااااااااااام

رحيل

شفيقة هانم واحسان بك

ارجينال هيرت

قطرات من شواطىْ الحياة لما ترجع ان شاء الله

الجمعة، 8 أغسطس 2008

وااجب


في البداية أنا بشكر كريمان جدااااااااااااااا صاحبة مدونة
قطرات من شواطىْ الحياة انها مررتلى التاج ده
***********
الصفة الأولى
يتوه في اى مكان حتى ولو روحته قبل كده كتير مش عارفة ليه
------------------------
الصفة الثانية
بخاف جدا لما بقعد لوحدى وكمان وأنا خارجة لوحدى لدرجة ان لو واحدة صحبتي

بمشي معاها غابت ومش راحت المدرسة أو الدرس مش بروح أنا كمان
------------------------
الصفة التالته
بحب ازور المقابر جدا مش عارفة ليه بس جايز عشان المكان هناك

ويبقى هادى وفيه هوا بس مش لوحدى طبعا
--------------------------
الصفة الرابعة
كل اللي يشوفني يا عيني يفتكر أنى هادية وطيبة ميعرفش اللي فيها وأنا مش كده خالص

لساني طويل جدا ومش بسيب حقي لحد ابدااااااااا وكمان هبلة ومجنونة ههههههههههههههههههههههه
---------------------------------
الصفة الخامسة

بكره الرياضة والكورة جدا ولا أنا أهلاوية ولا زمالكوية ومش بحب الناس المتعصبين اووى ليه وبكره مادة الرياضة جدا هي ومدريسينها وهى سبب نزولي كل سنة في المجموع لدرجة أنى ناقصة فيها السنادى عشر درجات مقفلين مش عارفة أوصلكم مدى شعوري واحساسى وكرهي ليها
---------------------------------
الصفة السادسة
بحب اووى أتعرف على ناس جداد من النت طبعا وكمان بحب صحابي اللي بيحبوونى اووى
وبحب لما اخرج اى مكان يكونوا معايا
الحمد لله خلصت الست صفات ناقص بس أمررهم لمين
1/ اروجينال هيرت
2/ روفى
3/ رحيل اختى
4/ سامح
5/ مدرسة الفشلة بنات
6/ مصطفى صاحب مدونة ايجى بوى

الثلاثاء، 22 يوليو 2008

رفيق العمر


أغلى شئ في الحياة الصداقة فلا يمكن للإنسان
أن يعيش وحيدا مع نفسه من غير أصدقاء يذهب معهم و يأخذ برأيهم
ويقفون بجانبه في شدته فرحه وحزنه وألمه وجرحه
فلا يمكن أن أتوقع أن أجد إنسان بدون أصدقاء
فلذلك احزن كثيرا اشد الحزن عندما يكون لى صديقة كنت أحبها وأحكى لها كل شيء
واجلس معها أكثر وقتي وتنقلب عليا فجأة بدون أسباب واضحة
وتأخذ صديقة أخرى بدلا منى
ولكن كيف نختار أصدقاؤنا ؟
لن أجيب على هذا السؤال وأرجو من الذي يعلق بإبداء رأيه
وهل الصداقة التي تكون على النت مثل الصداقة العادية
التي تكون في المدرسة أو الجيران أو العمل أو في اى مكان ؟
فالصداقة أهم شيء في حياة الإنسان ولذلك يجب علينا أن يكون الحب بيننا في الله ليس بهدف أو لغرض أو لمصلحة وان تبنى صداقتنا على الإخلاص والحب والأمانة والتسامح والتعاون والمشاركة والحب في الله أولا
فمن الذين يظلهم الله يوم لا ظل إلا ظله رجلان تحابا في الله اجتمعا عليه وتفرقا عليه
فليس حب الأصدقاء بسبب المصالح والمنافع كما يحدث الآن في كل مكان
نادرا عندما أجد أصدقاء يحبون بعضهم بدون أسباب
ولازم اللي يصاحب حد يكون زيه حاجة معروفة

وحدثنا عنها الرسول صلى الله عليه وسلم
فقال (المرء على دين خليله فلينظر أحدكم من يخالل)
ليه لما نحب إنسان ونثق فيه ونقول خلاص لقينا اعز صديق
يطلع بيخونك بعد ما تحكيله كل أسرارك ومشاكلك يكون بيحقد عليك وقدامك سمن على عسل و أول ما تمشى ياااااااااااااااااااااااااااااااااااه على اللى يحصل كلام بقى وحاجات عمرك ما قولتها
ليه الحقد اللي ملى قلوب الناس ده ؟
افضل حاجة ان الإنسان يلاقى حد يحبه ويوده ويسال عنه بس كل ده راح

اعتقد أن الكلام ده كان زمان ولا إيه؟
نفسي الأيام الحلوة ترجع تأنى والصداقة الحلوة ترجع من تانى
لان الصداقة كنز لا يفنى بس شكله فني اليومين دول
كل إنسان بيبقى نفسه يبقى ليه صديق يحكيله عن مشاكله وهمومه
ويعد معاه بس نعمل ايه فى الدنيا دى؟ يالا
انا ما انكرش ان لسة فيه ناس كويسين بس نادرين نجبهم منين دول؟
وخاصة لما يكون الانسان متعود على أصدقاء
وفجاْة كده يبعد عنهم يعنى انا مثلا بعد تسع سنين متعودة على اصدقاء
وحبتهم وعرفت منهم الوحش والحلو
مرة واحدة كده اقدم فى مدرسة ثانوى فى مكان تانى غير اللى هيدخلوا فيه
فى مكان معرفش فيه حد اعمل ايه؟
ولسة هاتعرف على اصدقاء تانيين
مش معقوله ها اقدر أنسى اعز اصدقائى
مش كفاية الإجازة اللي بتفرقنا
ومش معقول انى هاقدر اعمل صداقة جديدة وابعد عن اصدقائى
اتمنى ان الموضوع يعجبكم ان شاء الله

ومتحسوش انكم قاعدين فى خطبة جمعة
و أرجو الرد على سؤالي

الجمعة، 18 يوليو 2008

امى ثم امى


قال الله عز وجل فى كتابه العزيز (ووصينا الانسان بوالديه حملته امه وهنا على وهن وفصاله فى عامين ان اشكر لى ولوالديك والى المصير)

واخترت اتكلم فى هذا الموضوع عن الام فهى بالنسبة لى اهم انسانة فى حياتى بل اساسها فالام نبع الحنان والرقة والطيبة لذا يجب ان نعطيها حقها ونبرها ونحسن معاملتها فهى احن صدرالينا فى صغرنا فها نحن احن صدر اليها فى كبرها؟.

عن ابى هريرة رضى الله عنه انا رجل جاء الى النبى صلى الله عليه وسلم وساْله :(من احق الناس بحسن صحابتى يارسول الله؟قال:امك قال: ثم من ؟ قال امك قال ثم من؟ قال امك قال:قال ثم من؟ قال ابوك )صدق رسول الله صلى الله عليه وسلم ففى هذا الحديث يبين الرسول عليه الصلاه والسلام فضل الام وهذا يدل ان الام اهم انسانة فى حياة الانسان ولكن فهل كلا منا يحسن معاملتها؟ مع انها سبب سعادة الانسان وسر وجوده فلولا الام فلم يكن لنا الصدر الحنون الذى نشكو له ونلجأ اليه ونحس بالراحة النفسية به .

فالام هى الشمعة المضيئة التى تضئ وتنير حياة ابنائها وهى احن انسان على عليهم فمهما ذكرنا عن حقها فلم نستطع رد القليل من جمائلها ومما فعلته من اجل راحة وسعادة ابنائها

فالام هى التى حملت ووضعت وارضعت وسهرت على راحة اطفالها غير شاكية وغير منتظرة المقابل منهم بل تفعل كل ذلك بحب وبنفس راضية ولذلك يجب علينا طاعتها فى كل ماتطلبه الا فى شئ واحد حدده الله عز وجل فى كتابه العزيز وهو الشرك الله فى قوله( وان جهداك على ان تشرك بى ماليس لك بهما علما فلا تطعهما وصاحبهما فى الدنيا معروفا) صدق الله العظيم وحتى عند الشرك لا يجب البعد عنها بل علينا برها والاحسان اليها فقد كانت اسماء بنت ابى بكر امها مشركة فلما سالت النبى عليه الصلاة والسلام عن ذلك وانها كانت لاتريد برها فرفض النبى عليه الصلاة والسلام فكثيرون من الناس يشكون من جحود ابنائهم عليهم فبعد ان ربوا وعلموا وكبروا فكل منهم يتزوج ويبعد عن امه وينساها وتكون الام فى شوق لرؤية ابنائها ولكن الله المستعان فمن له ام فقد ملك الدنيا بأسرها

انا اول مره اعمل مدونة واول مرة اكتب يارب الموضوع ينال اعجابكم