الجمعة، 8 أغسطس 2008

وااجب


في البداية أنا بشكر كريمان جدااااااااااااااا صاحبة مدونة
قطرات من شواطىْ الحياة انها مررتلى التاج ده
***********
الصفة الأولى
يتوه في اى مكان حتى ولو روحته قبل كده كتير مش عارفة ليه
------------------------
الصفة الثانية
بخاف جدا لما بقعد لوحدى وكمان وأنا خارجة لوحدى لدرجة ان لو واحدة صحبتي

بمشي معاها غابت ومش راحت المدرسة أو الدرس مش بروح أنا كمان
------------------------
الصفة التالته
بحب ازور المقابر جدا مش عارفة ليه بس جايز عشان المكان هناك

ويبقى هادى وفيه هوا بس مش لوحدى طبعا
--------------------------
الصفة الرابعة
كل اللي يشوفني يا عيني يفتكر أنى هادية وطيبة ميعرفش اللي فيها وأنا مش كده خالص

لساني طويل جدا ومش بسيب حقي لحد ابدااااااااا وكمان هبلة ومجنونة ههههههههههههههههههههههه
---------------------------------
الصفة الخامسة

بكره الرياضة والكورة جدا ولا أنا أهلاوية ولا زمالكوية ومش بحب الناس المتعصبين اووى ليه وبكره مادة الرياضة جدا هي ومدريسينها وهى سبب نزولي كل سنة في المجموع لدرجة أنى ناقصة فيها السنادى عشر درجات مقفلين مش عارفة أوصلكم مدى شعوري واحساسى وكرهي ليها
---------------------------------
الصفة السادسة
بحب اووى أتعرف على ناس جداد من النت طبعا وكمان بحب صحابي اللي بيحبوونى اووى
وبحب لما اخرج اى مكان يكونوا معايا
الحمد لله خلصت الست صفات ناقص بس أمررهم لمين
1/ اروجينال هيرت
2/ روفى
3/ رحيل اختى
4/ سامح
5/ مدرسة الفشلة بنات
6/ مصطفى صاحب مدونة ايجى بوى

هناك 23 تعليقًا:

Hayam يقول...

مجنونـــــــــــــة خالص
انتي هبلة يابت؟؟؟

في حد يحب يقعد في المقابر عشان فيها هواء؟؟؟

هو يعني كان تقطع عن بقية المناطق؟؟؟

ربنا يكون في عونك اختك ويصبر اهلك


على فكرة لا يفتكر انك هادية ولا دياولو انتي من اول لحظة بتثبتي شخصيتك المجنونة

بس لذيذة قوي

وبتنشربي مع المية العكرة

ههههههههههه

سلام كفاية لحد كده

وكمان اول تعليق

ده كتير عليكي قوي

ههههههههههههه

سلام ياقمر

شفـقــة و إحســــان يقول...

مبروك على التاج الف مبروك
المدونة بتاعتك حلوة اوى

جوجو يقول...

يوما
انا قولت بقعد فى المقابر انا قولت بحب ازور المقاااااااابر اما بقى ان ربنا يكون فى عون اختى فالعكس ربنا يكون فى عونى انا دا انا با اعانى كتيييير بس انتوا مش واخدين بالكم ههههه كتير عليكى انتى ان اول تعليق مش عليا انا
ههههههههههههههههههههههههههههههههههه سلاام انتى يا قمر

kafrawy يقول...

ازاى مجنونة

و انتى اصلا مش بتعرفى تمشى لوحدك
ههههههههههههههههههه


تحياتى سلام

جوجو يقول...

شفقة هانم واحسان بك
الله يبارك فيكى ربنا يخليكى ميرسى اوى على زوقك

تحياتى لكما

Unknown يقول...

دا انتى صفاتك صعبة اوى ياجوجو يعنى ممكن تضطرى فى يوم من الأيام أنك تمشى لوحدك يعنى حاولى تتغلبى على دى أما عن المقابر فطبعا مش بتروحى لوحدكولازم تشجعى الأهلى علشان لو شجعتى الأهلى هتفلى فى الرياضة ومش هتنقصى

وأنا استلمت التاج منك واجب وبما أنى تلميذ مهمل فأعتذر عن اجابته فى الوقت الحالى وأعدك بأن أجيبه فى أقرب وقت إن شاء الله .

مصطفى

مجلة الأم الصغيرة يقول...

جوجو أشكرك جدا على حل الواجب الي مررتهولك ..
بس إيه الصدف دي مجنونة و شقية و بتوهي زيي بالضبط (a) ;-)
أما بقى موضوع المقابر ده فأنا أنصحك تحولي عندنا في المدرسة .. مدرستي بتطل عالمقابر مباشرة تقفي في الشباك تشوفي الجنازة و الدفنة و لما يحفروا بعد الدفنة ويسرقوا الهيكل العظمي و يبيعوه لكلية الطب .. أه والله كل ده كان بيحصل قدامنا .. و يا سلام وانت قاعدة بتحلي مسألة رياضية على أنغام صويت آهالي المرحوم .. والله كانت أيااام حلوة أوي .. بس الجامعة أكييد أحلى ;-)
مابشوفكيش أونلاين ليه؟؟
مستنياكي

جوجو يقول...

كفراااااااااوى
ههههههههههههههه شوفت حاجة الاهية بس هو المجنون بيمشى لوحده شكرا على تعليقك وزيارتك للمدونة

جوجو يقول...

ايجى بوى
سبحان الله اشجع الاهلى عشان منقصش فى الرياضة هههههههههه ده مستحيل انى اتفرج على مطش كورة

بما انى انا مدرسة طيبة ومش بعاقب على الواجب فا اوكى ان شاه الله تحله فى الوقت اللى يناسبك

جوجو يقول...

قطرات من شواطىْ الحياة
ههههههههه الصفات مشتركة برضه ولا ايه

ازيك انتى اخبارك ايه معلش النت كان فاصل عندى

rovy يقول...

ازيك يا جوجو
اولا شكرا حبيبتى انك افتكرتينى
صفاتك فعلا صعبه شويه لكن واضح ان شخصيتك ظريفه و ان دمك خفيف و زى السكر و اكيد زى القمر علشان مش بتحبى تمشى لوحدك ...
بس يا ريت تحبى الرياضه ده مهم قوى علشان جسمك و صحتك مش مهم الكره طبعا
انا قصدى تمارسى اى رياضه ولو كانت المشى ..

بالنسبه للتاج بجد انا بأشكرك تانى بس عاوزه اقولك ان الواجب ده جالى من اصدقاء كثير و كمان تيجان تانيه والله و كنت بأجل لأن كانت حالتى النفسيه مش مستقره اليومين اللى فاتوا ..
المهم انى كنت وعدت بأنى حأجمع فى البوست الجاى كل التيجان و الواجبات بس لقيتها مسأله صعبه لكن ان شاء الله لما تقرأى البوست اللى جاى حتفهمى قصدى
المهم مش تزعلى يا قمر اول ما اقدر حاجى و اقولك .. ماشى ..
دمتى فى حفظ الله

تحياتى

حسن حنفى يقول...

هههههههههه

اجابات ممتتازه

صفات جميله

مدونه اجمل

تقبلي مروري المتواضع

واتمني التواصل

oRiGiNaL HeArT يقول...

الف مبروك يا جميل على التاج
فييا شوية صفات زيك وشوية عكسك خالص
بس على فكرة انا بردة حسيت انك شخصية هاادية جدااا
ابقى اتخدعت كدة
وميرسى على التاج يا حبيبتى :)

مصر يا موكوسه .....يا مزارع الكوسه يقول...

ايها الراقدون تحت الترااااااااااااااااااااب
جئت اشم هوا
لا تعليك

جوجو يقول...

روفى
انا الحمدلله بخير ربنا يخليكى
اما بقى عن ممارسة الرياضة فا انا مقصدش الرياضة دى اققصد الكووورة ومادة الرياضيات
لاء طبعا مش هزعل بس اهم حاجة ان حالتك النفسية تستقر

جوجو يقول...

حسن حنفى
اهلا بيك فى المدونة
وميرسى اوووى على تعليقك

دومت يخير

جوجو يقول...

اروجينال هيرت
ههههههههههههههه يا عينى مش بقولك اتخدعتى ههههههههههههه
الله يبارك فيكى ياقمر عقبال كده ما تحلى التاج انتى كمااااااان

جوجو يقول...

مصر يا موكوسة ومزارع الكوسة
ياسلااااااااااام هههههههههههههههههههههههههه
يظهر كل المعلقين جيييييين للهوا
ايييه يا جماعة معندكوش هوا ولا اييييييييه على العموم مدونتى كلها هووا تعالو خدوااااا شوية

Unknown يقول...

لا مذاكره كويس ياجوجو
صحيح مجنونه وبتاخفي تمشي لوحدك صفتين متناقضتين
وبتخافي تعدي لوحدي وفي نفس الوقت بتحبي تزوري المقابر برضه صفتين صعب يبقوا في نفس الشخص
وكونك بتباني هاديه وطيبه وانت مش كده خالص
دا شيئ عادي
الانسان مجموع صفات كتييييييييير جدا
مجموعها بيشكل شخصيته
وفي الاول و الاخر هاتلاقي ليك صفات بتغلب عليك
وهي الصفات الطيبه و الهاديه في معظم الوقت و المجنونه احيانا لان دا مطلوب مينفعش الواحد طول الوقتي وفي كل المواقف يبقه هاديييي كده

بالنسبه للتاج طبعا انا بشكرك عليه جدا جدا
و الحمد لله انا حليت الواجب دا قبل كده وكان كمان مطلوب عشر اسئله مش سبته بس
ودي وصلته .. نقي اي سته من العشره ودول اجابة التاج
http://dm3aty.blogspot.com/2008/05/blog-post.html

جوجو يقول...

ساااااااامح
ههههههههههههههههههههههههههههههههههه
مليش دعوة انا عاوزة الستة بتووووعى
مش بس كده ويكونوا مختلفين عن الستة التانيييييييييييييييين
اوكى
سلااااااااااااام

حنين.. يقول...

جوجو
والله مش عارفه مش حاسه انك مجنونه
حاسه انك اجتماعيه وطيبه خالص
انا حره انا واحساسى وتعليقى كمان
هههههههههههههههه
تحياتى
دمتى سالمه

جوجو يقول...

حنين

اهلا بيكى فى مدونتى

وميرسى اوى على تعليقك

هههههههههههههههههه

غير معرف يقول...

مبرووووك على التاج يا عسل
وبصراحة صفاتك جميلة جدا
وبتعجبني جدا وأكيد في ناس كتير مبتعرفش تمشي لوحدها زي كده برده
والمدونة بصراحة في منتهى الروعة
وربنا يوفقك يااااااارب
سلااااااااام يا عسل