بدعيلك يارب لهشام عباس

ياخالق الكون م العدم فى سبع ايام
اوهبنى حمدك فى الالم قوينى على الايام
سلملى حالى فى دنيتى وانت اللى اعلم بيه
لو قلبى تاهت خطوته لسكتك تهديهه
انا قوتى من نعمتك ونومتى على فرشك
ومنايا يوم الحساب تظلنى بعرشك
بدعيلك يارب بقدرتك على نفسى تنصرنى
وعليك تكالى برحمتك لو تهت نورنى
يارب وانت القوى انت اللى بينا حليم
وانت الحكيم رحمتك ولا زيك انت كريم
فى كل شده قابلتها بلقاك قريب موجود
نورلى عينى افتحلها اى طريق مسدود
غنى عن سؤالى وانا ماليش غنى عنك
متخلينيش احتاج وارزقنى من عندك
بدعيلك يارب

كلمات اعجبتنى

لا تيأس إذا تعثرت أقدامك
وسقطت في حفرة واسعه .. فسوف تخرج منها
و أنت أكثر تماسكا وقوة .. والله مع الصابرين
~*~ ~*~ ~*~
لا تحزن إذا جاءك سهم قاتل من أقرب الناس إلى قلبك
فسوف تجد من ينزع السهم ويعيد لك الحياة و الابتسامه
~*~ ~*~ ~*~
لا تضع كل أحلامك في شخص واحد
ولا تجعل رحلة عمرك وجه شخص تحبه مهما كانت صفاته
ولا تعتقد أن نهايه الأشياء هي نهاية العالم
فليس الكون هو ما ترى عيناك
~*~ ~*~ ~*~
لا تنتظر صديقاً باعك
وانتظر ضوءاً جديداً يمكن أن يتسلل إلى قلبك الحزين
فيعيد لأيامك البهجة ويعيد لقلبك نبضه الجميل
~*~ ~*~ ~*~
لا تحاول البحث عن حلم خذلك
وحاول أن تجعل من حالة الإنكسار بداية حلم جديد
~*~ ~*~ ~*~
لا تقف كثيراً على الأطلال
خاصة اذا كانت الخفافيش قد سكنتها والأشباح عرفت طريقها
وابحث عن صوت عصفور
يتسلل وراء الأفق مع ضوء صباح جديد
~*~ ~*~ ~*~
لا تنظر الى الأوراق التي تغير لونها
وبهتت حروفها .. وتاهت سطورها بين الألم و الوحشه
سوف تكتشف أن هذه السطور ليست أجمل ما كتبت
وأن هذه الأوراق ليست اخر ما سطرت
ويجب أن تفرق بين من وضع سطورك في عينيه
ومن القى بها للرياح
~*~ ~*~ ~*~
إذا أغلقت الشتاء أبواب بيتك
وحاصرتك تلال الجليد من كل مكان
فانتظر قدوم الربيع وافتح نوافذك لنسمات الهواء النقي
وانظر بعيدا فسوف ترى أسراب الطيور وقد عادت تغني
وسوف ترى الشمس وهي تلقي خيوطها الذهبيه فوق أغصان الشجر
لتصنع لك عمراً جديداً وحلماً جديداً .. وقلباً جديداً
~*~ ~*~ ~*~
لا تسافر الى الصحراء بحثاً عن الاشجار الجميله
فلن تجد في الصحراء غير الوحشة
وانظر الى مئات الأشجار التي تحتويك بظلها
وتسعدك بثمارها .. وتشجيك بأغانيها
~*~ ~*~ ~*~
.. فالعمر حين تسقط أوراقه لن تعود مرة أخرى
ولكن مع كل ربيع جديد سوف تنبت أوراق أخرى
فانظر الى تلك الأوراق التي تغطي وجه السماء
ودعك مما سقط على الأرض فقد صارت جزءاً منها
~*~ ~*~ ~*~
إذا كان الأمس ضاع .. فبين يديك اليوم
وإذا كان اليوم سوف يجمع أوراقه ويرحل .. فلديك الغد
لا تحزن على الأمس فهو لن يعود
ولا تأسف على اليوم .. فهو راحل
إننا أحياناً قد نعتاد الحزن حتى يصبح جزءاً منا
ونصير جزءاً منه.. وفي بعض الأحيان تعتاد عين الإنسان
على بعض الألوان ويفقد القدرة على أن يرى غيرها ..
ولو أنه حاول أن يرى ما حوله لأكتشف
أن اللون الأسود جميل .. ولكن الأبيض أجمل منه
وأن لون السماء الرمادي يحرك المشاعر والخيال
ولكن لون السماء أصفى في زرقته .. فابحث عن الصفاء ولو كان لحظة ..
وابحث عن الوفاء ولو كان متعباً و شاقاً
وتمسك بخيوط الشمس حتى ولو كانت بعيده
ولا تترك قلبك ومشاعرك وأيامك لأشياء ضاع زمانها
~*~ ~*~ ~*~
إذا لم تجد من يسعدك فحاول أن تسعد نفسك
وإذا لم تجد من يضيء لك قنديلاً .. فلا تبحث عن اخر.. أشعله
وإذا لم تجد من يغرس في أيامك ورده
فلا تسمع لمن غرس في قلبك سهماً ومضى
~*~ ~*~ ~*~
أحياناً يغرقنا الحزن حتى نعتاد عليه .. وننسى
أن في الحياة أشياء كثيرة يمكن أن تسعدنا وأن حولنا وجوهاً كثيرة يمكن أن تضيء
في ظلام أيامنا شمعة .. فابحث عن قلب يمنحك الضوء
ولا تترك نفسك رهينة لأحزان الليالي المظلمة..

كلمات أعجبتني نقلتها لكم..

مش عارفة اقول ايه؟؟؟؟؟

بجد انا بقالى فترة حاسة انى بعيدة اوى عن التدوين مش عارفة ليه ومش بتابع خالص بس والله انا عمرى ما اقدر انسى التدوين ابدا

بس مش عارفة حاسة انى محرجة اوى اتكلم وانزل بوستات زى الاول وكمان انا اليوين دول بدأت دروس ثانوى وطول النهار فى دروس ده

كمان فى بليل اه والله دى معاناة لسة فى الاول وبنقول معاناه هههههههه ربنا يستر دعواتكم بقى

بجد انا نفسى اتابعكم اوى بس مش عارفة فى ايه مالى ؟؟؟؟؟

المهم يارب تكونوا كلكم بخير وكل سنة وانتم طيبين وربنا يجعله شهر سعيد عليكم كلكم

تحيااااااااااتى

تاج من انوسة

جالى تاج من ايناس والله مش بحب التاجات خالص بس طبعا عشان خاطر ايناس هجاوبه مقدرش مجاوبوش وبقولها ميرسى جدا ياقمر على الاهداء ده

هو صحيح سؤال واحد بس ماشاء الله بعشر اجابات ربنا يعينى واعرف اجاوبهم ده انا ما صدقت الاجازة تيجى عشان اخلص من الاسئلة والاجابات ههههههههه ما علينا ندخل فى التاج على طووووووووول

اذكرى 10 أشياء صادقة فى حياتك؟؟؟؟؟؟

1- عمرى ما كنت غامضة وعمرى ما حبيت الغموض

2- جباااااااااااااااااااانة جدا جدا وبخاف من أى حاجة

3- متسرعة اوى لدرجة متتوصفش

4- مش بحب اللف والدوران بحب دايما اللى قدامى يكون صريح معايا

5- بكره الخيانة جدا

6- بحب والدتى واخواتى وصحابى اووووى وبعزهم اووووى

7- مقصرة جدا مع ربنا ونفسى ربنا يهدينى

8- بحب اقعد فى البيت اوى ومش بحب اخرج كتير

9- انطوائية جدا وكل اللى حواليا بيقولولى كده نفسى اغير ده طبعا

10- مش بحب الناس اللى شاغلة بالها باللى حوايلها بيعمولوا ايه وليه بيعمولوا كده وقاعدينتكلموا عمال على بطال

والحمدلله خلصت الاجابات

طبعا التاج مش اجبارى اللى عاوز يجاوبه يتفضله واللى مش عاوز براحته طبعا

يوم من عمرى

يوم من عمرى

قد يكون هذا اليوم من اجمل الاْيام التى مررت بها قد يكون لاْننى راْيت السعادة فى عيون اقرب الناس الى قلبى وارق القلوب التى قد تكون نادرة فى هذا الوقت من الزمن
احسست فى هذا اليوم بسعادة لا نهاية لها لم تكن متوقعة ملاْنى الامل بعدما فقدته وغمرتنى السعادة بعدما احسست وكاْنها انتهت
وجدت الابتسامة على وجوه كثيرا ما خيم الحزن عليها
وجدت الفرحة فى قلوب كانت تدق من اجل هذا الاحساس
وجدت الاْمل من جديد الاْمل الذى لابد ان نتمسك به ولا نفقده ابدا فلا ياْس مع الحياة ولا حياة مع الياْس
وجدت دمعوع الفرحة فى عيون ملاْتها دموع الحزن سنوات وكاْن هذ ا اليوم تعويضا لدموع الحزن فى هذه السنوات الماضية
يوم لا يوصف ومهما عبرت عنه فلم يكن تعبيرى قادرا على يوصف هذا اليوم وهذه السعادة التى تحققت فيه

وحشتووووووونى جدا انا عارفة انى مقصرة قوى ومش بتابع بس والله غصب عنى يارب تكونوا كلكم بخير
انا قولت بقى كفاية بوستات حزينة طبعا كتير من المدونين بيقولوا ان البوستات حزينة وكئيبة جدا بس انا شايفة
ان الكلام اللى احنا بنكون حاسينه وبنعبر عنه لما بيخرج بشكل ادبى بيخرج بشكل مبالغ فيه

تحديث

انا اسفة جدا على عدم المتابعة الفترة دى لاْنى مش هقدر اتابع يارب تكونوا كلكم بخير

ووقف القلب

ووقف القلب

ووقف القلب حائرا على ما حدث له وعلى ما جناه من اقرب الناس إلى قلبه يساْل نفسه ماذا افعل ليجنى هذا ومن السبب في كل هذه الجراح التي أتعبته خلال هذه الأيام الماضية كاتبا إهداء إلى بعض القلوب

إهداء

إلى كل قلب أحب وعرف معنى الحب وظلمته الحياة

إلى كل قلب حلم وعرف معنى الحلم وتمنى أن يحقق هذا الحلم

إلى كل قلب سافر لبعيد ولم يعرف طريق عودته

إلى كل قلب رفض الظلم بكل معانيه ورفض أن يعيش عليه

إلى كل قلب اخلص وقوبل بالغدر

إلى كل قلب أصابه الخوف وليس قادرا على أن يرد هذا الخوف

إلى كل قلب عاش لحظات حزينة وليس قادرا على أن يمحو هذا الحزن الموجود في هذه اللحظات

إلى كل قلب حاول الوصول إلى القمة وسقط

إلى كل قلب عشق نور القمر ولم يجده في ليله مظلمة

إلى كل قلب عشق نور الشمس وأعمى نوره عينه

إلى كل هذه القلوب فقد يكون سبب كل هذا الثقة العمياء في بعض القلوب الأخرى الثقة التي لا يعقبها سوى الندم والتحسر على الأيام التي أهدرت مع بشر لا يستحقون هذه الثقة العمياء

قلوب لا تعيش إلا لها قلوب تظهر الحب والود وتخفى بداخلها الكره والحقد قلوب أخذت على ذلك ولم تعيش سوى لذلك قلوب تتبعت أخطاء غيرها مهددة لهم بنقطة ضعفهم نعم نقطة ضعفهم فمن منا ليس له نقطة ضعف في هذه الحياة ؟؟؟

قلوب عاشت لتجرح عاشت لتؤلم عاشت لتسيل دموع في عيون قلوب أخرى قلوب اخلص إليها ولكنها غدرت نعم غدرت في لحظة دون حساب إلى من اخلص إليها قلوب عاشت لتدوس على مشاعر قلوب صادقة دون حساب لهذه المشاعر

وبعد كل هذه الاهداءات ظل هذا القلب واقفا في حيرته دامعا حزينا يساْل نفسه

ماذا فعل ليجنى هذا؟؟؟؟؟؟؟؟؟؟؟؟؟؟؟؟؟؟

قرار جمهورى من مدونة وحى القلم

طبعا التاج ده جالى من مصعب صلاح صاحب مدونة وحى القلم وبقوله ميرسى اوى على الاهداء ده ولونه صعب وحليته قبل كه بس هو مش مقتنع وقال انه قرار ولازم يتنفذ وبما انى بقى مش بحب ازعل حد منى هجاوب على التاج وربنا معايا ما صدقت اخلص امتحانات يجيلى تاجات

1/ اذكر خمس احلام على الاقل تخص ماضيك وبتحلم فيها بتغير

1/ كان نفسى اوى ادخل عالم التمثيل بس الحلم ده نسيته خالص اول ما عرفت انه حرام

2/ كان نفسى افضل فى ابتدائى على طول عشان كنت عيلة بقى ومش مسئولة ازاكر مزاكرش مش فارقة هههههههه

3/ كان نفسى اوى اتعرف على ناس كتير

4/ نفسى ابطل الكسوف والاحراج اللى بيبقى بره البيت دايما لاْنى بجد فى مواقف كتير مش بعرف اصرف فيها

يامسهل مش عارفة اكمل كفاااااااااااااية كده هى فى امتحان ولا ايييييييه ولا يهمنى

ندخل على السؤال التانى

2/ اذكر خمس احلام على الاقل تخص مستقبلك ؟

1/ نفسى اتفوق السنتين الجايين دول ان شاء الله واجيب مجموع حلو وادخل اعلام

2/ نفسى يكون عندى الثقة فى نفسى ولو لمرة واحدة فى حياتى

3/ نفسى صاحبتى سمر ترجع ونكمل ان شاء الله مع ابعض

4/ نفسى افضل فى بلدى ومسبهاااااااش ابدا

5/ نفسى متخدعش فى البشر واعرف شخصية الانسان اللى قدامى من اول لقاء بينى وبينه

3/اذكر شخصين متواجدين فى حياتك حاليا كنت تود وجودهم قبل الان بزمن؟

امنية انتيمتى وايناس هى مش انتيمتى اوى بس حد بحترم راْيه جدا

4/ اذكر شخصين غير متواجدين فى حياتك حاليا كنت تود وجودهم فى حياتك الان او فى حياة اولادك مستقبلا؟

سيدنا عمر بن الخطاب

جدى الله يرحمه

5/ تحدث عن ستة اسرا ر قد لا يكتشفها من يقابلك لاْول مرة

1- انى مش هادية زى ما الانطباع الاول بيتاخد عنى

2-سارة اختى بتقولى اكتبى انك مستفزة جدااا بس مش تصدقوها

3- انى جبانة جدا وبخاف من اى حاجة وبخاف اخرج لوحدى

4- انى بتوه فى اى مكان بروحه حتى لو كنت روحته قبل كده

5- انى بتكسف جدا وفى مواقف كتير مش بيبقى عندى القدرة على التصرف فيها

6- انى بكره مادة الرياضة اووى وكمان مش بحب الكورة ومش بشجع اى فريق وطبعا محدش مصدقنى

6/ لمن تهدى هذا التاج ؟؟

بصراحة اعرف مدونين كتير بيحبوا الغموض ومش بيحبوا يتكلمو عن نفسهم وفى ناس تانية مش بتحب التاجات وفى ناس بقى مش فاضية عشان كده مش هتعب حد معايا بس طبعا اللى التاج عاجبه يتفضله