الخميس، 11 يونيو، 2009

قرار جمهورى من مدونة وحى القلم



طبعا التاج ده جالى من مصعب صلاح صاحب مدونة وحى القلم وبقوله ميرسى اوى على الاهداء ده ولونه صعب وحليته قبل كه بس هو مش مقتنع وقال انه قرار ولازم يتنفذ وبما انى بقى مش بحب ازعل حد منى هجاوب على التاج وربنا معايا ما صدقت اخلص امتحانات يجيلى تاجات
1/ اذكر خمس احلام على الاقل تخص ماضيك وبتحلم فيها بتغير
1/ كان نفسى اوى ادخل عالم التمثيل بس الحلم ده نسيته خالص اول ما عرفت انه حرام

2/ كان نفسى افضل فى ابتدائى على طول عشان كنت عيلة بقى ومش مسئولة ازاكر مزاكرش مش فارقة هههههههه

3/ كان نفسى اوى اتعرف على ناس كتير
4/ نفسى ابطل الكسوف والاحراج اللى بيبقى بره البيت دايما لاْنى بجد فى مواقف كتير مش بعرف اصرف فيها
يامسهل مش عارفة اكمل كفاااااااااااااية كده هى فى امتحان ولا ايييييييه ولا يهمنى


ندخل على السؤال التانى


2/ اذكر خمس احلام على الاقل تخص مستقبلك ؟

1/ نفسى اتفوق السنتين الجايين دول ان شاء الله واجيب مجموع حلو وادخل اعلام

2/ نفسى يكون عندى الثقة فى نفسى ولو لمرة واحدة فى حياتى

3/ نفسى صاحبتى سمر ترجع ونكمل ان شاء الله مع ابعض

4/ نفسى افضل فى بلدى ومسبهاااااااش ابدا


5/ نفسى متخدعش فى البشر واعرف شخصية الانسان اللى قدامى من اول لقاء بينى وبينه

3/اذكر شخصين متواجدين فى حياتك حاليا كنت تود وجودهم قبل الان بزمن؟


امنية انتيمتى وايناس هى مش انتيمتى اوى بس حد بحترم راْيه جدا

4/ اذكر شخصين غير متواجدين فى حياتك حاليا كنت تود وجودهم فى حياتك الان او فى حياة اولادك مستقبلا؟


سيدنا عمر بن الخطاب


جدى الله يرحمه


5/ تحدث عن ستة اسرا ر قد لا يكتشفها من يقابلك لاْول مرة


1- انى مش هادية زى ما الانطباع الاول بيتاخد عنى


2-سارة اختى بتقولى اكتبى انك مستفزة جدااا بس مش تصدقوها


3- انى جبانة جدا وبخاف من اى حاجة وبخاف اخرج لوحدى


4- انى بتوه فى اى مكان بروحه حتى لو كنت روحته قبل كده


5- انى بتكسف جدا وفى مواقف كتير مش بيبقى عندى القدرة على التصرف فيها


6- انى بكره مادة الرياضة اووى وكمان مش بحب الكورة ومش بشجع اى فريق وطبعا محدش مصدقنى


6/ لمن تهدى هذا التاج ؟؟


بصراحة اعرف مدونين كتير بيحبوا الغموض ومش بيحبوا يتكلمو عن نفسهم وفى ناس تانية مش بتحب التاجات وفى ناس بقى مش فاضية عشان كده مش هتعب حد معايا بس طبعا اللى التاج عاجبه يتفضله









هناك 15 تعليقًا:

الشاعر الحزين يقول...

على فكره أنا جاى انهارده ناقد ومعارض ولست مؤيدا

انتى بتقولى نفسك تبطلى الاحراج والكسوف اللى عندك

بالعكس يا جوجو دا الاحراج والكسوف هما علامة حياء المرأه

هما زينة المرأه خارج بيتها

هما الحارس اللى بيحرسك خارج بيتك

أتمنى تعيدى التفكير والنظر فى النقطه دى

وتفضلى على خجلك

أتمنى تقبلى كلامى بشكل كنصيحه من أخ ليكى

لكن باقى الاجابات بجد جميله قوى بالذات

عمر بن الخطاب وجدك الله يرحمه


دمتى بكل خير

جوجو يقول...

الشاعر الحزين
ايوة انا واثقة من ان الاحراج والكسوف الحارس اللى بيحرسنى بره البيت بس المشكلة انهم لما بيزيدوا عن حدهم بيخلونى مش بقدر اتصرف فى اى موقف يقابلنى على الاطلاق وبيخلونى اخسر حجات كتير يعنى مثلا لما اكون عارفة اجابة السؤال واتكسف اجاوب كده انا هضيع بسببهم هو ده اللى انا اقصده مش اكتر ومواقف كتير زى ده

لكن بجد انا عمرى ما كنت اقصد اللى انت تقصده خالص يعنى
شكرا جدا على مرورك وزيارتك

تحياتى

مصعب صلاح يقول...

السلام عليكم

بجد اجاباتك ممتازة وشكرا لأنك جاوبت ع التاج

بس ياريت تفضلي خجولة

ومش لمضة

فهماني طبعا

تقبلي مروري

جوجو يقول...

مصعب صلاح

وعليكم السلام

ربنا يخليك العفو على ايه

ان شاء الله هههههههه فهماك طبعا بس انا برده اللى لمضة ولالالا

تحياتى

همسة يقول...

إجابات موفقة
ويارب تكون أجازة سعيدة
تحياتى

جوجو يقول...

همسة

اهلا بيكى

شكرا اوى على تعليقك وزيارتك المستمرة

تحياتى

الباحث عن الموت يقول...

إجاباتك رائعة فعلا
بس ما زالت أحلامك أحلام طفولية
يا رب تكبرى بقى يا جوجو
أكيد هتعرفى المجتمع اللى حواليكى ده شكله ايه
وبرضوا انا معاكى فى عدم الثقة فى أى حد مهما كان قريبا منك ولكن ليس معنى ذلك الشك فى كل من حولك ففكرى قبل ان تختارى وعندما تختارى جربى اختيارك فستوفقين بإذن الله

غير معرف يقول...

من الباحث عن الموت إلى صاحبة مدونة أمى ثم أمى
إجابتك بجد رائعة
أتمنى منك دائما التفوق

صمت المشاعر يقول...

اجابتك كلها جميله ياجوجو

بالتوفيق يارب دايما في حياتك

الشاعر الحزين يقول...

جوجو

يظهر ان انتى فهمتى تعليقى بطريق خطأ

أنا عارف والله قصدك كويس

وكلامى برده على هذا الأساس يعنى الاحراج والكسوف فى حد ذاتهم مش عيب حتى لو زادوا عن حدهم ده طبعا بالنسبه للبنت

وصدقينى عمرهم ما هيكونوا سبب فى ضياعك زى ما بتقولى بل بالعكس هيكونوا سبب فى احترام الناس ليكى ولرغبتك فى عدم الكلام

أتمنى يكون معنى كلامى وصل بشكل صحيح

وأعتذر جدا ان كان كلامى على غير الصحيح

لكى منى كل التقدير

جوجو يقول...

الباحث عن الموت

اهلا بيك

ميرسى جدا على وجهة نظرك دى

تحياتى

جوجو يقول...

صمت المشاعر

ده بس من زوقك ياجميل

شكرا جدا على اهتمامك

جوجو يقول...

الشاعر الحزين

فى كلتا الحالتين انت زى اخواتى وانا اخدت الكلام على الاساس ده وفهمت قصدك كويس جدا وبجد راْيك مقنع جداا جداا
وميرسى جدا على اهتمامك ده

وكيلة نيابه مع ايقاف التنفيذ يقول...

كل حاجه جميله بس موضوع الخجول زياده عن اللزوم ده اعتقد مش صح وموضوع الثقه بالنفس ده لازم وضرورى جدا وعلى فكره صفه الخجول ده بسبب انك معنديش ثقه كافيه زى مابتقولى
وبعدين ليه ياجوجو مش بتحبى مادة الرياضه ده كلام تعالى يابنتى وانا هظبطك فيها والله ده انا بموووت فيها
وبعدين صحبتك الانتيم اسمها سمر على اسمى ولا ايه ههههههه

قلم رصاص يقول...

السلام عليكم

اجاباتك جميلة جدا وربنا يوفقك وتحققي كل طموحاتك

وصفة الخجل أجمل مافي البنت والمرأة عموما

أدامها الله عليكي نعمة

اتمنى لك التوفيق

في حفظ الله