الأحد، 17 يوليو، 2011

الحمدلله نجحت


بعد عذاب وطول انتظار وتعب اعصاب الحمدلله نجحت وجبت 92.3 بجد مكنتش مصدقة نفسى قعدت اجمعهم كل شوية وكل اما اشوف حد اخليه يجمعهم لى المهم طلعوا كده فى الاخر الحمدلله
بجد فرحانة قووى يمكن لحظة نجاحى دى كانت من اجمل لحظات حياتى رغم كل التوتر والقلق اللى شوفته طول الفترة اللى فاتت والقلق اللى شوفته يوم النتيجة لانه كان يوم ما يعلم بيه الا ربنا النور قطع وبعد ما جه النتيجة بانت ع طول الموقع اللى بجيبها منه منفعش يفتح المهم كان عذاب والله بس الحمدلله كله خير
يمكن السنة دى كانت اصعب سنة فى حياتى مش عارفة ليه بس كانت تقيلة ع قلبى قوى والله الحمدلله بجد انها عدت ع خير
يمكن سعادتى زادت اكتر لما لقيت كل اللى حواليا فرحانين ومبسوطين
مش عارفة اقول ايه بس بجد كل اللى اقدر اقوله انى مبسووطة قوى وحالة الملل اللى كانت عندى راحت بمجرد ما عرفت درجاتى
الحمدلله

هناك 23 تعليقًا:

shemo_ joker يقول...

السلام عليكم....

ااااااااااااالف مبروووووووووك لينا كلنا يا جوجو ...

عندك حق بجد فى الى قولتيه دا نفس احساسى بس الفرق بقى الاحساس بالانجاز يمكن مجموعى مش كبير بس الفرق انى عوضت كتير عن السنة الى فاتت وهو دا الى فرحنى اوووووووى


الحمدلله ع كل شىء وفعلا النتيجة النهارده محت جزء كبير من حالة الملل
وبعثت فينا امل جديد.

دومتى بخير يا جوجو
فى رعاية الله .
shemo

Tarkieb يقول...

مبروووووووووك

Tarkieb يقول...

كنت باحسب البلوج حيخر شربات بقى ...ايه البخل ده؟

جوجو يقول...

شيمو
الله يبارك فيكى ياشيمو
مبرووووك ليكى انتى كمان
الحمدلله
تحياتى

جوجو يقول...

تركيب
الله يبارك فى حضرتك
هههه لا مش بخل والله
حضرتك دايما واخد عنى فكرة وحشة كده مش عارفة ليه من يوم بوست احلام ههههههههه

كلام من قلبي يقول...

الحمد لله الف الف مبروك
بجد والله فرحتلك
عقبال يا رب كل ظلبة الثانوية العمة
ان شاء الله

جوجو يقول...

كلام من قلبى
الله يبارك فيكى ياقمراية
ربنا يخليكى وعقبالك ياااااارب
تحياتى

قول ياااارب يقول...

مبرووووك ياجوجو ..الف مليون مبروك ياحبيبتى عقبال الكليه وتخلصى على خير ان شاء الله

جوجو يقول...

قول يارب
الله يبارك فيكى ياقمر
تسلمى يارب
تحياتى

قلم رصاص يقول...

ألف مبروك النجاح والنتيجة
وبالتوفيق دايما المرحلة الجايه ان شاء الله

فعلا والله الثانويه العامة دي بعبع كلنا مرينا بيها.. وحالة الرعب بيتقاسمها كل الطلبة مهما كانت مستوياتهم ومجموعهم.. الخ

وكل عام وانتي بخير بمناسبة قدوم شهر رمضان اعاده الله علينا وعليكم وعلى كل المسلمين بالخير واليمن والبركات

تقبلي مروري وتحيتي
:)

جوجو يقول...

قلم رصاص
الله يبارك فى حضرتك....شكرا جدا
ايوة والله عندك حق هى فعلا بعبع يلا الحمدلله انه عدى
كل سنة وحضرتك بخير
شكرا لمرورك

yasmina يقول...

هاااااااى ازيك

مبرووووووووووك الف الف مبروك يا جميل ودايما حياتك يارب تكون مليانه بالنجاح والفرح يارب

تحياتى ليكى
ومبروك مرة تانية

جوجو يقول...

ياسمينا
الحمدلله تمام
الله يبارك فيكى
مبروووووك ليكى ع النجاح والخطوبة ربنا يوفقك ان شاء الله
تحياتى

ليس فقيرا من يحب يقول...

لوولولولولولولوولولولولولولوولولولوللى

الف الف مليووووون مبروك يا حبيبتى

عقبال يارب ما نفرج بيكى وانتى عروسه

كفاااااااااارة

ريبال بيهس يقول...

صباح الورد

ألف مبروك النجاح وإن شاء الله

من نجاح إلى نجاح ..

كل سنة وأنت طيبة

تحياتي

جوجو يقول...

ليس فقيرا من يحب
الله يبارك فيكى
منورانى والله
ربنا يخليكى تسلمى
تحياتى

جوجو يقول...

ريبال بيهس
الله يبارك فيك
وانت طيب وبخير
شكرا لمرورك

blue-wave يقول...

الف مليون مبرووووووووك

Dr-Mostafa يقول...

ألف مبروك يا جوجو وعقبال النجاح ودايما دايما فى تقدم

غير معرف يقول...

ثقافة الهزيمة .. عصابة البقرة الضاحكة 4


قال المهندس عبدالحكيم عبدالناصر عقب جولته بقرى الأصلاح الزراعى فى إيتاى البارود : «للأسف الذين قاموا بالثورة لم يحكموا، والثورة لازم تكمل حتى لا يورث الأغنياء الغنى، والفقراء الفقر».

وأوضح أن عائدات قناة السويس منذ تأميمها بلغت نحو 73 مليار دولار، منها مليار واحد فى عهد عبدالناصر أقام به مشروع السد العالى، وكان يجب بناء 10 مشروعات مثله على الأقل، وقال: «لكن كلنا عارفين الفلوس راحت فين، وعارفين أننا بلد غنى يراد له الفقر». ...باقى المقال ضمن مجموعة مقالات ثقافة الهزيمة ( بقلم غريب المنسى ) بالرابط التالى

www.ouregypt.us

جايدا العزيزي يقول...

عام مضى.... بكل ما فيه من اعمال خيرها و شرها .. جعل الله جميع اعمالنا مباركة صالحة .. وأن يغفر الله خطايانا و ذنوبنا..
و عام نستقبله بكلّ الأماني .. و تجديد النيّة فيه بان تكون جميع أعمالنا خالصة لوجه الله .... و العزم على التقرب لله تعالى .. في الصالحات من الاعمال و الافعال

اسمى آيات التهانى و التبريكات الى جميع الاخوة والاخوات ... و الامة الاسلامية و العربية .. بهذه المناسبة العظيمة .. جعلها الله سنة خير و بركة...

و نصر الاسلام و المسلمين ... في شتى بقاع الأرض
كـــــــــــــــــــــــــل عــــــــــام وأنتم بخـــــــــــــير

♥نبع الغرام♥♪≈ يقول...

وحشتينى انتى فين كل دا


كل سنه وانتى طيبه حبيبتى

د.ريان يقول...

الف الف مبروك

ويارب كل حياتكِ أفراح

دمتم بكل ود