الخميس، 30 يونيو 2011

مجرد كلام




عندما يخدعنا الاخرون مرة او مرتين فلا بد وان نتعلم والا نقبل الخديعة فى المرة الثالثة
لانه لابد وان نتعلم ان من خدعنا مرة لا نؤمن له بالمرة وايضا لابد وانا ندرك جيدا انه من الغباء ان نطمئن كل الاطمئنان الى من خدعونا ولو لمرة واحدة فى حياتنا.
عندما يخدعنا الاخرون نفقد القدرة على التعامل معهم لا نذكر لهم شيئا واحدا حسنا بل نذكر كل المساوئ والعيوب نذكر اننا اخطأنا حين امنا لهم ونذكر اننا اغلى بكثير من ان نخدع على ايدى هؤلاء .
عندما يخدعنا الاخرون لا نملك الا ان نعتبرهم عابرى سبيل دخلوا حياتنا وتركوا اثرا ولكنهم خرجوا لابد وانا ندرك ان خروجهم بالنسبة لنا هو الافضل لاننا سوف نتعلم بعدها اننا المسؤلين عن الاختيار ولذا لابد وان نحسنه جيدا.
عندما يخدعنا الاخرون لا نكون بحاجة الى ان نسمع كلمة واحدة منهم ولا نريد منهم الاهتمام بنا او بأخبارنا لانهم ما يهتموا الا ليوضحوا لنا انهم -اصحاب اصول- وما هم بذلك هم فقط يحاولون تبرير خدعتهم.
عندما يخدعنا الاخرون لابد وان نؤمن جيدا بأننا لسنا بأغبياء بل نحن ضحية تعامل مع اناس لا يروا فى الدنيا سوى انفسهم وسعادتهم بل يبحثون عن الاخرين لمجرد ان يسعدوا اوقاتهم وكفى.
عندما يخدعنا الاخرون ليس علينا الا ان نسعد فقط لاننا كشفنا ستارهم حتى ولو كان متأخرا لا داعى للحزن وكفى بصورتهم التى اسودت فى عيوننا وتحولت الى صورة اقل من توقعاتنا.
عندما يخدعنا الاخرون نبحث عن اناس اخرين يستحقوا وجودنا فى حياتهم يقدروا وجودنا ولا ينكروه اناس لا يكونوا سوى لنا وفقط.
........................
الحمدلله كده انا خلصت امتحانات كان عندى اخر مادتين النهاردة طبعا نفسى اقول وداعا للثانوية العامة بس مش هقدر غير بعد النتيجة ان شاء الله عشان انا نيلت الدنيا فى الجيولوجيا وربنا يستر

هناك 11 تعليقًا:

رحــــيـل يقول...

سواد سواد سواد
هو انتي خلصتي وهتقرفينا ولا ايه ؟
وبعدين جيولوجيا ايه اللى نيلتي الدنيا فيها احنا هنمثل مكانوش خمس درجات راحين مش هيفرقوا لا فى طب ولا صيدله مش تقلقي
وبعدين معلش الواحد مش بيتعلم بالساهل وكويس انك من دلوقتي بتتعلمى اهو كله مصلحة وزي ما بيقولوا الضربة اللى مش بتكسر بتقوي
المهم كمان لما نحس ان حد ظلمنا مش نزايد ونظلم نفسنا بأيدنا

جوجو يقول...

رحيييل
ياااااااااة منورة والله
رجعنا للكومنتات السخيفة تانى انا قولت ده انتى هتعقلى بعد ما تتجوزى
بس والله بيجى منك احيانا
عندك حق كله مصلحة هههه
تحياتى

رحــــيـل يقول...

سخيفة !!!!!! ده انتي وقعتك طين لما اشوفك
على فكرة انا طول عمرى منورة

جوجو يقول...

لا مش تقلقى
هتشوفينى بكرة ان شاء الله

موناليزا يقول...

كلماتك جميلة
استمرى
وبالتوفيق

شوية قهوة يقول...

ازيك يا جميل حمدالله على السلامة
وبالتوفيق ان شاء الله في النتيجة
كلامك مظبوط جدا بس للاسف الناس البنحبهم اوي صعب نصدق ان هما خدعونا ونفضل نتخدع منهم تاني

جوجو يقول...

موناليزا
ميرسى جدا ليكى
نورتينى
تحياتى

جوجو يقول...

كلام من قلبى
انا الحمدلله بخير ياقمر
انتى عاملة ايه؟
صح انا معاكى فعلا بس احنا المفروض نكون اعقل بكتير ومش نكرر اخطائنا ونتعلم منها ولا ايه؟
تحياتى

shoshta_ joker يقول...

السلام عليكم....

عندك حق ياجوجو

متاثرة انتى بالفلسفة زيى ودا العادى من بنك مصر قصدى من الثانوية العامة هههههه

ان شاء الله يا جوجو كلنا نقول وداع بصوووووت عالى بعد النتيجة

ربنا يسترها بقى


دومتى بخير
فى رعاية الله..
shemo

جوجو يقول...

شيمو
وعليكم السلام
ازيك ياقمر وحشانى والله وكان نفسى اشوفك فى اليكس بس يلا حصل خير
هههههه اها والله نفسى اقول وداعادى ايام سووووووودة ربنا يستر والنتيجة تبقى كويسة ان شاء الله
نورتينى
تحياتى

amr elsharqawy يقول...

عندما يخدعنا الاخرون لا نملك الا ان نعتبرهم عابرى سبيل دخلوا حياتنا وتركوا اثرا ولكنهم خرجوا لابد وانا ندرك ان خروجهم بالنسبة لنا هو الافضل لاننا سوف نتعلم بعدها اننا المسؤلين عن الاختيار ولذا لابد وان نحسنه جيدا.


يارب الواحد يكون بيقدر يتعلم من المواقف دى