الخميس، 29 أبريل 2010

تاج من ريمان




ماذا ستكتب لنا لتعبر عن حياتك التى عشتها الى الان فى كلمات قليلة؟


الى الان لما احس بالسعادة التامة ولكنى انتظرها وليس بهذا المعنى ان هذه الحياة السابقة كانت تعيسة ولكن دوام الحال من المحال




اذا اردت ان تبكى الان فعلى من تبكى؟


ابكى على اشياء فعلتها ولكنى ندمت عليها اشد الندم على اناس عرفتهم واعطيتعهم كل حبى واخلاصى ولم يكونوا اهلا لذلك


من ستختار ليمسح دموعك؟


اختار اقرب الناس الى من يحرص على عدم نزول هذه الدموع اختار من ستكون دموعى عنده غالية ويقدر هذه الدموع

لو خيروك بين حبيبك وبين واعز صديق فمن تختار؟


اختار الاصدق والاوفى والذى اثق فيه منهما اشد الثقة

من يسكن قلبك؟

من ارتاح اليه من اجد انه يستحق انا يسكن قلبى

هل تعتقد ان حظك سئ؟

مممممممممم ممكن اقول فى اوقات ده انا حظة زبالة بس بتبقى مجرد كلمة لكن اؤمن بأن هناك قضاء وقدر وان ما يحدث ليه هو من عند الله عز وجل وهو قدرى ولابد وانا ارضى به مهما كان

هل هزمك حزنك فى يوم من الايام ؟

ايوة وخاصة لما بيبعدنى عن حاجات لازم اهتم بيها

(مستحيل انساك ) لمن تقولها ؟

مفيش حد محدد لكن الى من اخلص الى واحبنى وحرص على سعادتى

(اللى راح راح وما تفيد كلمة ياريت ) اذا اردت انا توجه هذه العبارة لنفسك فماذا تقصد بها؟

اقصد حاجات كتير عملتها ندمت عليها حاحات كتير قولتها مكنش لازم تتقال ثقة اديتها لناس كتير ومعملوش حسابها وخانوها فى لحظة فهقول بقى اللى راح راح وما تفيد كلمة ياريت

(انت كل شئ فى حياتى ) لمن تقولها؟


امى ربنا يخليها ليا يارب

متى اخر مرة بكيت؟

ده عرض مستمر ههههههههههه بس اخر مرة كانت امبارح كنت قاعدة مع نفسى وبذاكر قصة واسلاماه وفجاة سرحت وافتكر ت حاجات كتير وبكيت بسسسسسسسسسسسسسسس

هل لديك الجرأة ان تقول عمرك امامنا؟

وليه لاء 16 سنة

هل انت راضى عن نفسك؟
لا خالص


هل تؤيد الزواج العاطفى ام الزواج التقليدى؟ ولماذا؟


سواء كان عاطفيا او تقليديا لابد من الاتفاق والرضى يعنى الزواج التقليدى مش وحش بس لازم يكون فى قبول ولازم يعرفو بعض اكتر

ايهما تفضل شهادتك الجامعية ام الزواج ممن تحب؟

الشهادة الجامعية وبعدين بقى ان شاء الله كله يتحل هههههههههه وتبقى قشطة يعنى

هل تعترف بشئ اسمى الصداقة بين الرجل والمرأة؟

ايوة احيانا الصديق بيبقى اوفى من الصديقة بس مش دايما طبعا

هل انت مدمن تفكير؟

لا بزهق بسرررررعة

من هو ااكتر شخص تفكر فيه؟

انتو مالكم هههههههههههههههههههههه


ااذا تم تعينك ملكا لجميع البلاد العربية فما هو اول قرار ستتخذه؟

هخلى مادة الرياضة دى اختيارية عشان انا بكرها جدااااااا

هل تكره شخصا بشدة؟

ايوة


هل ملابس الشخص امامك تؤثر فيك لتأخد عنه انطباع ؟

ااحيانا بس مش دايما


ما الذى يلفت انتباهك فى الشخص بسرعة لكى تعجب به ؟


اسلوبه فى الكلام زوقه فى التعامل

اذا احببت شخصا فى الوقت الخطأ وفى المكان الخطأ فماذا تفعل ؟

هحاول انسى على قد ما اقدر وابعد

حكمة تؤمن بها جدا؟

دوام الحال من المحال

عادة تفعلها دائما تتمنى ان تتركها؟

نفسى ابطل اقعد نت هههههههه

ما هو اجمل اسم لبنت واجمل اسم لولد من وجهة نظرك؟

يوسف وملك


ماذا تفعل اول شئ اذا ربحت مليون؟

ههاجر من البلد دى ههههههه اصلى زهقت منها قووووى


هل انت ممن لديهم حب التملك واذا امتلكت شئ اصابه الملل منك؟

انا بزهق بسرعة قووى وبحب اغير حاجات كتير بعملها


اعتذار تريد ان تقدمه لمن ؟

بعتذر لنفسى قوى وكمان لاى حد غلط فى حققه


لمن تهدى هذا التاج من بعدك؟

لمن يعجبه التاج ويريد الاجابة عليه

هناك 11 تعليقًا:

♥♥ شذا ♥ الروح ♥♥ يقول...

السلام عليكم

جوجو وحشتينى ياقلبى

اخبارك ايةةةةةةةةةةةة

واخبار الدراسه معاكى ايه يا حبيبتى
يارب تكونى بخير ويطمنى عليكى يا حياتى

♥♥ شذا ♥ الروح ♥♥ يقول...

الله عليكى ياجوجو

فيكى كتير منى والله

ودموعك قريبه متلى
واحساسيك رائعه
انت اخت وحبيبه بمعنى الكلمه
بتمنالك السعاده بدرستك ويارب تحققى كل اللى بتحلمى بيه
واشوفك سعيده يا حبى

ماشاء الله عليكى رغم صغر سنك بس اتكلمتى كلام كبيررررررررررر

بحبك اوووووووووووووووى

الأمير يقول...

بسم الله

السلام عليكم ورحمة الله

التاج جميل الى حد كبير
والاجمل انه من ريمان ربنا يبارك فيها
يارب تكوني بخير يا ريمان

الاجابات .. ( ممكن اتكلم بصراحه ؟)

اووك شكرااااا


نتكلم بصراحة

الاجابات في الغالب ليست مقنعة
او على الاقل غير مكتملة
حضرتك لسه عندك 16 سنة
لما تكبري شوية وشخصيتك تكتمل وتنضج
هتضحكي على الاجابات دي
ولو ريمان اهدتك التاج مرة تانيه
هتلاقي اجاباتك مختلفة تماما

اتمنى ان كلامي ما يكونش ضايقك

ويارب اكون او تعليق ( مره من نفسي )

دمتم بخير
والسلام عليكم .؛

حياة يقول...

اجابات صريحة جدا
وبصراحة شخصيتك جميلة جدا
تحياتي

رحــــيـل يقول...

انا برضه بقول لازم تبطلى قعدة نت على الاقل لحد ما اسيبه وامشى وبعد كده براحتك ههههههه
وبعدين يابنتى انتى ثانويه عامة المفروض متفكريش غير فى مذاكرتك وعلم النفس والفرنساوى والعربى وكده
ذاكرى يابت واياكى اشوفك قاعده ع النت تاااانى قال تاج قال ومدونات وكلام فاضى احنا معندناش بنات بيكتبوا فى مدونات ولا يعقدوا ع النت انا بقولك اهو وقد اعذر من انذر

miroooo يقول...

حبيبتى جوجو ايه الجمال ده؟ لا جامده بجد واجاباتك جميله اوى وواثقه من نفسك اوى ودى حاجه عجبانى فيكى بس انا عايزاكى تركزى فى المذاكرة اكتر وحاولى مش تقعدى على النت كتير غير لما تكونى عايزة تطمنينى عليكى بس ههههههههه علشان انا بحب اطمن عليكى دايما
اتمنى لك التوفيق والسعاده

had-befham يقول...

جميله هى اجاباتك
تحياتى

لــــ زهــــــراء ــــولا يقول...

جوجو

انتى فينك
اخبارك ايه
اخبار الدراسه والدنيا كلها عامله معاكى ايه
ربنا يوفقك
بجد استمتعت بكل حرف انتى قوليته

انتى عارفه حسيت بكلامك اوى لمس بداخلى شئ تحفه والله يا جوجو انتى فى مشاعرك الجميله

ادعو من قلبى ان ربنا يوفقك ويكرمك ويفرحك ياااااااااااااارب

مـجـنـووون يقول...

تشرفنا بالتعرف بيكي

وربنا يوفقك في حياتك


تقبلي مروري
مجنووون

♥♥ شذا ♥ الروح ♥♥ يقول...

وحشتينى موت جيت اطمن عليكى

يارب تكونى بخير حبيبتى

amr elsharqawy يقول...

انتى بخفة الدم ديه ياجوجو
وبتقولى انك مش راضيه عن نفسك
ماشى ياستى
بس انتى قولتى
هل تكره شخصا بشدة؟
ايوة

ايه السبب اللى يخلينا نكره بعض ؟

جوبى على ماجى
وانا سعيد انى التاج جالك عشان نعرفك اكتر واكتر :)