الثلاثاء، 28 يوليو 2009

تاج من انوسة


جالى تاج من ايناس والله مش بحب التاجات خالص بس طبعا عشان خاطر ايناس هجاوبه مقدرش مجاوبوش وبقولها ميرسى جدا ياقمر على الاهداء ده


هو صحيح سؤال واحد بس ماشاء الله بعشر اجابات ربنا يعينى واعرف اجاوبهم ده انا ما صدقت الاجازة تيجى عشان اخلص من الاسئلة والاجابات ههههههههه ما علينا ندخل فى التاج على طووووووووول


اذكرى 10 أشياء صادقة فى حياتك؟؟؟؟؟؟


1- عمرى ما كنت غامضة وعمرى ما حبيت الغموض


2- جباااااااااااااااااااانة جدا جدا وبخاف من أى حاجة


3- متسرعة اوى لدرجة متتوصفش


4- مش بحب اللف والدوران بحب دايما اللى قدامى يكون صريح معايا


5- بكره الخيانة جدا


6- بحب والدتى واخواتى وصحابى اووووى وبعزهم اووووى


7- مقصرة جدا مع ربنا ونفسى ربنا يهدينى


8- بحب اقعد فى البيت اوى ومش بحب اخرج كتير


9- انطوائية جدا وكل اللى حواليا بيقولولى كده نفسى اغير ده طبعا


10- مش بحب الناس اللى شاغلة بالها باللى حوايلها بيعمولوا ايه وليه بيعمولوا كده وقاعدينتكلموا عمال على بطال


والحمدلله خلصت الاجابات


طبعا التاج مش اجبارى اللى عاوز يجاوبه يتفضله واللى مش عاوز براحته طبعا




هناك 17 تعليقًا:

shoshta_ joker يقول...

السلام عليكم........
اول تعليق
حعمل حفلة الاول بيه ههههههههههه
الاجابات حلوة اوى والصراحة شىء حلو اووى .......انا مش بحب اعد فى البيت خالص يا جوجو يا بختك علاشن مش تزهقى هههههههه.....جيلى نفس السؤال من انوسة وان شاء الله طبعا حجوبة بس شوية .........دومتى بخير ....فى رعاية الله.
shemo

♥نبع الغرام♥♪≈ يقول...

جميل قووى مبروك عليكى تاجى يا بت ياجوجو

ههههههههههههههههههه

فيكى كتير منى برضه
عااااااااااااااااااااااااااا

كلنا مقصرين فى حق ربنا يا حبيبتى ربنا يهدينا للطريق الصح

وان شاء تتغيرى للاحسن حبيبتى بحبك كتير قووى
انوسه

احمد يقول...

الف مبروك على التاج

الشاعر الحزين يقول...

اجابات بسيطه قوى وجميله قوى

وبتعبر عن صاحبة القلم

لكن الخوف وما أدراك ما الخوف

مفيش حاجه فى الدنيا بتخوف

احنا اللى بنصنع الخوف

بس بجد اجابات هايله جدا

دمتى فى رعاية الله

وحي القلم يقول...

السلام عليكم
الانطوائية وحشة
يا خبر ابيض حراااااااااام عليكي دا باعشقها

المهم بماإنك خوافة

حاسبي العفريت عوووووووووووووووو
عاااااااااااااا
بخ
يالا باااااااااااااااااااااي

غير معرف يقول...

كيف حالك سمو البرنسيس ؟

- ممكن أعلق ؟؟ طب هاتي لي شماعة هههههههه

- لأ بجد برافو يا جوجو على إجاباتك وصراحتك وعفويتك ... حاجة تستاهلي عليها .... إممممممم ؟؟

دعوة " يا رب تنجحي يااااااارب " وطبعاً ده مش هايتم إلا بإيه ؟؟ بالمذاكرة ... شطورة خالص خالص .

أعذريني أصلي مش لابس النظارة وما قريتش البند رقم عشرة بتاع الناس الحشريه ههههههههه

- ربنا يوفقك يا جوجو وتحققي كل اللي بتتمنيه ،، وباتمنى لك كل خير وفي تقدم مستمر ونجاح باهر إن شاء الله .

تقبلي مروري .... مع خالص تحياتي

حسن حنفى يقول...

اجابات جميله

بس احسن حاجه عجبتني في الاجابات

هي الصراحه لان الصراحه دي هي اللي بتخلي الواحد يغير من نفسه

miroooo يقول...

السلام عليكم00000000 على فكره اجاباتك جميله وصريحه جدا انا شبهك فى بعض حاجات ومنها انى باحب اقعدفى البيت ومش باحب الخروج اوى يعنى 000000 بس احب اقولك انك انسانه جميله وان شاء الله ربنا يهديكى لانك كويسه فى سلامه الله

اعشق فى الليل ضوء القمر يقول...

انا بقال فتره كبيره غايب عن هنا بس برجع كل فتره من الحينه للحينه

سؤال إزاى الواحد بيكون جبان جدا و متسرع فى نفس الوقت

انطوائية جدا وكل اللى حواليا بيقولولى كده نفسى اغير ده طبعا
ده غلط لو انت إنطوائيه ليه عملتى المدونه و بتتابعى المدونين كمان
ده استفسار كده على جنب
غير كده انا أظن أنك بنت حلوه و كويسه كمان

قلبي مملكه وامي تملكه يقول...

جوجو

كثير من صفاتك فيني أنا

واللي هي التسرع دائماً متسرعه بأتخاذ القرارت

وهذا الشي اللي ما احبه يكون فيني بس صار فيني واتمنى يرووووح مني

تقبلي مروري
دمتي بحفظ الرحمن

أختكم فى الله يقول...

ما شاء الله عليكى صريحة اوى ومتواضعة وطيبة

كل سنة وانتى طيبة يا قمر

Unknown يقول...

اجابات جميله .. يا غامضه
ههههههههههههه

دعواتك

shirry يقول...

شئ جميل انك تبقي عارفة 10 حاجات حقيقية فعلا في حياتك و
الاجمل انك تكوني عارفة عيوبك وبتحاولي تصلحيها

انا بحييكي فعلا

Radwa يقول...


جوجو
انا حاسة انى دخلت عندك قبل كده او يمكن تشابه اسماء
بس انا قريت كذا بوست ليكى
بس بجد انتى عسووووووووولة جدا جدا جدا
وعلى فكرة أنا نصى دقهلاوى
....................
رضوى

سماء يقول...

اجابتك جميلة جدا وتلقائية


بتمنالك التوفيق

**sad smile** يقول...

جوجووووووووووو....

وحشتيني موووت

أنا عارفة أني أنا الي مقصرة معاكي

ومع الكل بأني قفلت مدونتي

بس معلش أنا على العموم فتحتها

وغيرت فيها حجات كتير

تاج جميل

جاوبتي عليه بصراحه كالعادة

والي مفيش أحلى منها

وكمان معلش ألف مليوووون مبرووك

لسارة والله لسه عارفة الوقتي

بجد فرحتلها أوووي

تحياااتي ليكي يا قمر ...

أغدا القاك!!! يقول...

تعرفي لو دي فعلا صفاتك تبقي ممتازة
وبعدين مع اني حاسس انك متمردة
وساعات أحس انك طفلة بريئة
لكن دة مايمنعش ان احيانا لازم علشان تعرف حد تعاشره
كمان ماتقدريش تحكمي على نفسك لازم غيرك يحكم عليك يوصفك يحدد ملامحك
لكن بجد ردود توحي بغنك بتحبي النوع دة وكمان الانطوائية للبنت انا بعتبره حياءها الجميل اللي هو تاج على راسها ودة بيعجبني في ملامح شخصيتك
بالتوفيق يا؟؟؟؟