الأحد، 1 فبراير 2009

نصيحتى لكل فتاة


الحب ده عامل زى الهوى منقدرش نعيش من غيره وكلنا واثقين ان مفيش اى بنت او ولد مش هيمر برحلة الحب دى عشان كده لازم كل بنت تحافظ على نفسها كويس جدا ودى نصيحتى لكل بنت
1/ لا تخدعك ايتها الفتاة هذه الكلمات البراقة اللامعة اكيد قالها لمليون بنت قابلك
2/ تذكرى دائما نك قطعة ذهبية فى عالم قذر
3/ اياك وان تقولى له احبك فاْنك ان قولتيها اعطيتى له الكارت الاخير خد اللى هو عاوز وفرتى عليه يعنى
4/ انك مثل القطعة الزجاجية اذا انكسرت لا نستطيع اصلاحها فسمعتك امانة عليك ان تصونيها
5/ حسسيه دايما بوجود اهلك جامبك واوعى تحسسيه انك لوحدك
6/ متخبيش كل حاجة لازم اهلك يكونوا عارفين لان لما اسرارك تكتر اكيد مشاكلك هتزيد وهتكتر
7/ اوعى تديه صورة ليكى
8/ ميكونش مصدر ثقة ليكى لدرجة انك تحكيله على كل اسرارك لانه ممكن يحاول يوقع بينك وبين حد قريب منك قوى
9/ متسمعيش كلامه فى كل حاجة طبعا هو يقعد يقوولك اللى بيحب لازم يدارى على حبه وجو الافلام ده
10/ احذرى اثناء التعامل معه
الحب ليس بحرام ولكن اللعب على بنات الناس بأسم الحب هو الحرام , وتمضية الوقت لأجل التسلية بأسم الحب هو الحرام , واللعب بمشاعر الآخرين بأسم الحب هو الحرام .
السطرين الاخرنين دول منقولين

هناك 45 تعليقًا:

romansy يقول...

اول تعليق



ل



رومانسى

romansy يقول...

متخفيش يا جوجو زى ما فيه الوحش فيه الحلو اللى بيحب باخلاص برضه
بس دايما او احيانا البنات مش بتحب غير الولد اللى يشكلها زى ماهو عاوز ويفرض سيطرته عليها
البنت مش بتحب الولد اللى يقول حاضر ونعم
مش تظلمى البنات
ولا تظلمى الاولاد

جوجو يقول...

رومنسى

منور

جوجو يقول...

رومنسى

بس برضه الولد ميبحبش الا البنت

اللى بتقوله حاضر حتى ولو هو غلط

بس اكيد فعلا فيه الحلو وفيه الوحش

ميرسى اوى لمرورك

بنوتة يقول...

السلا عليكم
كلامك كله صح جدا ويارب كل البنات والولاد يقروا ويعرفوا
والسطرين الاجيرين مش منقولين من حد ولا حاجة دول منقولين من الضمير والعقل
تحياتى ليكى

غير معرف يقول...

كلامك صح لهواة التسلية

ولكنه يتنافي مع حقائق المشاعر ويتنافي مع صدق الحب

المشكلة ان المشاعر أحيانا لا دليل لها ولا برهان فهنا تصبح المشكلة الثقة

speed of trust

الكتاب دا مهم جدا

ياريت نقدر نحقق الثقة لان اللي بتقوليه بشوفو كتير بيحصل بعد الجواز يعني القاعدة أكيد أكيد ليها استثناءات

تحياتي

حسن حنفى يقول...

معاكي حق في الكلام اللي قلتيه بس مع ايماني ان مش كل الناس كده وفيه ناس بتحب بجد علشان كده مش تستحق المعامله دي

وبرضه مع ايماني ان مع منطقيه الكلام مش حد هيقدر ينفذه لان الحب مش ليه منطق واللي بيحب بيفكر بقلبه مش بعقله علشان كده طول ماهو مش بيحب هيقدر ينفذ الكلام واول ما يقع في الحب يبدأ يخالفه ويقول حبيبي غير كل الناس لحد ما في الاخر يظهر له العكس او يمكن يكون هو علي صواب علشان كده هو بيلعب علي الحته دي مع انها بتكون نسبتها ضعيفه بس زي ما اتفقنا هو بيفكر بقلبه فبيقول لا حبيبي صادق معايا

ده مجرد رأي شخصي طبعا

دمتي بخير

حسن حنفى يقول...

والله حراااااااااام

المفروض انا اول تعليق

وكاتب التعليق ومجهزة من اول ما البوست نزل

بس النت هو اللي بيعند

:((

يلا خيرها في غيرها

حسن حنفى يقول...

اعوض بقي كده يبقي علقت 3 تعليقات

:d

حسن حنفى يقول...

كده 4 :d

حسن حنفى يقول...

ورايا ايه مش ورايا حاجه

والنت رجع تاني بقي

اخد راحتي

:d

حسن حنفى يقول...

خليني التعليق رقم 12 علشان انا بحب الرقام الزوجيه

:p

شيماء جمال(شيمو القمر) يقول...

جوجو القمر
كلامك جميل
بس دول للى فى سنة أولى حب
البنت لما تكون لسة صغيرة بتحافظ على الحاجات
ده
والولد اللى لسة فى الأول بيضحك على البنت بالكلام ده
دلوقتى فى حاجات أكثر من كده
مش ماسكة إيد وصورة هم المشكلة
دول بيبقى مكتوب كتابهم وممكن يوديها فى داهية
تحياتى

رحــــيـل يقول...

لا يابت ده ايه النصاحه دى
لالالالالالالالالالالالالالالالالالا

كده انا اطمنت يابنت عليكى واموت وانا مرتاحه
يخرب عقلك ياجوجو شربات يااخواتى بس عسل اسود فى البيت انا عارفه
ههههههههههههه

ومنزله بوست جديد ومعرفش غير من اللينك عندى ليه هو انا مش اختك الكبيره برضه
ماشى ماشى واستغليتى عدم وجودى فى اليبت وقعدتى نت براحتك طووووويب انا جيت بقى عشان اغلس بس عليكى

سلوى يقول...

يعني من الآخر
اتعاملي بحذر وحرص :)

جميله النصايح جدااااااااااااا

ربنا يوفقك في حياتك

بنوتة يقول...

ازيك يا جوجو
اصل في بنوتة تانية بردو غيلري هي اللي قبل كدة حتى ادخلي عندها هتلاقي مدونة تانية
كلامك صح يا جوجو ايه المناسبة حد ضحك عليكي ههههههههه
بس حسب التربية لو البنت اتربت عدل
مش هتجرؤ تكلم ولد غريب أو ححتى معرفة
اما لو التربيه مش أوي انتي عرفة اللي هيحصل

blue-wave يقول...

يا ساتر
هوا احنا وحوش للدرجادى؟؟؟؟

mohamed ghalia يقول...

حلوه قوى جملة النصايح دى
وبجد عندك حق فى كل كلمة
دمتى بكل الود
دمتى فى سعادة

جوجو يقول...

بنوتة

ميرسى اوى على تعليقك واهتمامك دايما

فعلا منقولين من العقل والضمير

دومتى بخير

جوجو يقول...

afew good man

فعلا المشكلة هنا هى الثقة

شكرا اوى لراْيك

تحياتى

جوجو يقول...

حسن باشا

ههههههههههه ياعم ولا يهمك

انت قولت جملة جميلة اوى

اللى بيحب بيفكر بقلبه مش بعلقه

وهو فعلا ده اللى بيحصل

جوجو يقول...

اعترافات قلب

ازيك

ميرسى اوى على مرورك

دومتى بخير

جوجو يقول...

رحيييييييييييييل

يابنتى انتى بتحبى تسيحى

ماشى انا هطلع جدعة وممسحش التعليق زيك

وبعدين اختى الكبيرة ده فى البيت بس

لكن على النت انتى فى حالك وانا فى حالى

هههههههههههههههههههههههههههههههههه

قمر قمر

جوجو يقول...

سلوى

باين عليكى تبع رحيل

هى وزعت لينك المدونة امبارح

منورة يا جميل

ميرسى اوى لزوقك

جوجو يقول...

بنوتة التانية

ميرسى اوى لراْيك

بس طالما هيدخل فيها التربية فى ده فيه كلام تانى

تحياتى ليكى

جوجو يقول...

blue wave

هههههههههههههه

حد يقدر يقول كده

جوجو يقول...

محمد غالى

ميرسى اوى لزوقك ومرورك المستمر

تحياتى

أخـــ مسلمة ـــت يقول...

طيب وايه اللي هيوصلنا لكل ده؟
من الأول الاختلاط باسم الحب أصلا حرام

ولو حصل وكان فيه تعامل فده سبيله الوحيد الارتباط الرسمي واللي معاه مش هيكون فيه لزمة لكل ده

ولا ايه؟

بس ده كمان كلام ما يطلعش غير من بنوته محترمة

أحييكي

جوجو يقول...

اخت مسلمة

اهلا بيكى
هو بصراحة عمر الحب ما كان حرام

وقبل ما نزل البوست ده انا بحثت كتر فى جوجل عن السؤال ده مع احترامى لراْيك طبعا

ميرسى اوى على زوقك ومرورك

لؤلؤة الاسلام يقول...

حيبتى جوجو

وحشتينى اوى يا قمر
و وحشنى موضوعاتك الحلوة

و فعلا الفتاه قطعة ذهبية ي العالم
و ربنا يا رب يهدينا و يحفظنا
و تحياااااااااااااااااتى

وتقبلى مرورى

جوجو يقول...

خديجة محسن

وانتى كمان والله وحشتينى اوى

ربنا يخليكى

امييييييييين يارب

دومتى بخير

*^*AL.7aAzZeEnN*^* يقول...

ايوه ايوه يا جوجو مخلصه امحتنات و رايقه

ايه البوست الجامد ده و حولي متخقيش

كدا علشان زي في واحد معندوش ضمير اكيد في واحد عندو ضمير ولا ايه

و يارب تكوني بخير

بس انت ادعيلي في اختباراتي انا و

احزان مريم باااااااااااااااااااااي

و يارب تفضلي في ادائك الرائع ده

تحياتي

تيتو

دمتي على كل ود

جوجو يقول...

القلب المنكسر

اهلا بالناس اللى منورة ومبتساْلش
بقالها كتييييييييييير
عارفة الامتحانات واخداك انت واختك

ان شاء الله خيير وبالتوفيق ان شاء الله

غير معرف يقول...

عندما يتواجد الحب الحقيقى

تختفى كل اسباب التحكمات

واقصد بالحب الحقيقى

الحب المجرد

حب للحب

وعلى فكرة ده مش كلام لانه فعلا موجود

بجد معانا ووسطينا بس ما بيظهر الا

لصاحب نصيبه

احمد

مصطفي احمد يقول...

ايه بس ليه كل ده

علي فكره انا رأي العكس

انا شايف ان الولد هو اللي المفروض ياخد باله من غدر البنات

البنت بتكلم ولد علي انها بتحبه وهي بتكلم 20

:d

اعشق فى الليل ضوء القمر يقول...

جميل منك النصايح ديه توعى بيها البنات لكن عايز أقولك صحيح كلامك صح لكن لو بصينا من بعيد بزاويه مايله مع إضائه خلفيه معاكسه
تلاقى الكلام بيكون بين الولد و البنت مجرش خط واحد ناحيه العلاقات الأصيله قصدت الخطوبه و ال......
وذلك يحدث فعلا لكن فى طى العلاقات الغير شرعيه

بس يوجد أيضا شخصيات محترمه كويسه أيضا

العراف يقول...

على فكره يا جوجو زى ما انتى قولتى رايك بصراحه فى الولد وما فرقتيش بين الكويس والوحش مثل ما تقولى وافظع منه فى البنت ولو اجيتى تشوفنى مين اكثر احترامنا دلوقتى صدقينى الولد دلوقتى بقى اكثر احتراما

النجمه الهادئه يقول...

السلام عليكم
بجد كلامك صح وجزاكى الله خيرا على النصائح الجميله دى وانا اتشرف بمعرفة حضرتك وهذا يسعدنى جدا
دمتى بكل خير توفيق

Mohamed S. AbuTaqiya يقول...

السلام عليكم

معاكي حق في كلامك

انا شب وبشوف انو اكثر من 90 % من الشباب بلعبو بالبنات وبضيعو وقت بس

لكن في صالحين وناويين نية خير بس الاحوال المادية ما بتمسح بالارتباط

بس بدي احكيلك انتي كاتبة انو الحب بين الشب والفتاة حلال
لكن مش حلال
الواحد بقع بالحب وعارف انو حرام بس بقدرش يترك الشخص الي حبو امر واقع بصير

سلامات

رحـيقٌ مخـتُوم ~ تسنيم / يقول...

جميل جدا ..
سُررت بمروري من هنا

طائر الاحزان يقول...
أزال أحد مشرفي المدونة هذا التعليق.
طائر الاحزان يقول...
أزال أحد مشرفي المدونة هذا التعليق.
طائر الاحزان يقول...
أزال أحد مشرفي المدونة هذا التعليق.
غير معرف يقول...
أزال أحد مشرفي المدونة هذا التعليق.
دمعة غرااام يقول...

اصعب إحساس فى الدنيا لما تحس بظلم وكهر وانتا يا عينى وحيد فى الدنيا مالكش حق مالكش دهر